Amierykanskisienatar-respublikaniec Džon Makkiejn sumniavajecca ŭ lehitymnaści prezidenta Biełarusi Alaksandra Łukašenki i ličyć, što jon chutka moža być źmienieny. Pra heta Makkiejn zajaviŭ, vystupajučy 5 lutaha na Miunchienskaj kanfierencyi pa biaśpiecy,
paviedamlaje RIA Novosti.
«Režymy tyranii isnujuć usiudy, jany nie abmiažoŭvajucca tolki Blizkim Uschodam, — skazaŭ Makkiejn. — Vielmi chutka spadar Łukašenka moža być zamienieny ŭśled za inšymi tyranami śvietu».
Makkiejn taksama zajaviŭ, što byŭ rasčaravany maŭčańniem Jeŭropy padčas masavych akcyj pratestu ŭ Iranie ŭ 2009 hodzie, hetak zvanaj «zialonaj revalucyi», jakaja ŭspychnuła na chvali niezadavolenaści vynikami prezidenckich vybaraŭ.
Nahadajem, 4 lutaha na sustrečy sa studentami Jeŭrapiejskaha humanitarnaha ŭniviersiteta, jakaja prajšła ŭ parłamiencie Litvy, Makkiejn nazvaŭ Łukašenku
«biaźlitasnym, žorstkim, brutalnym tyranam, jaki na samoj spravie abraŭ niapravilny bok».
Pavodle mierkavańnia Makkiejna, rana ci pozna «biełarusy zmohuć skarystacca asnovatvornymi pravami, jakija harantujucca naturalnym čynam usim».
0
0
0
0
0
0
