«HAI Minhorispołkoma», choć ty im koł na hałavie čašy 23

Paśla hučnaha skandału z paśviedčańniami kiroŭcy na trasiancy DAI paabiacała vypravić prykry chib i bolš nie paŭtarać jaho. Ale litaralna ŭčora karespandent «Našaj nivy» atrymaŭ novaje paśviedčańnie z toj samoj pamyłkaj — «HAI MINHORISPOŁKOMA». Supracoŭniki DAI paabiacali abmianiać jaho biaspłatna, ale

ŭspłyŭ jašče adzin chib — «niedabiełaruskaskaść» tałona, jaki prykładajecca da paśviedčańnia.

Niahledziačy na prośbu aformić usie dakumienty pa-biełarusku, DAI ŭziała rasijskamoŭny ŭzor dakumienta i prosta nadrukavała na im biełaruskija imia, proźvišča i złapomny «HAI MINHORISPOŁKOMA».

Heta značycca, što hrafy «staťja KoAP RB», «Data narušienija», «Vid vzyskanija» i inšyja tak i nie pierakładzienyja. Čamu znoŭ niedapracoŭka?

U pres-słužbie DAI Ministerstva ŭnutranych spraŭ u karespandenta «Našaj Nivy» adrazu spytali: «Heta nie vy napisali na Anłajniery (na forumie Onliner.by idzie aktyŭnaje abmierkavańnie situacyi z novymi paśviedčańniami) pra pamyłki?» Daviedaŭšysia, što pytańnie biełaruskaści paśviedčańniaŭ chvaluje daloka nie adnaho čałavieka, supracoŭniki paraili viarnucca ŭ DAI i abmianiać dakumienty ŭ načalstva.

Nakont tałona było zajaŭlena, što «heta taki standartny vyhlad», ale supracoŭniki DAI pahadzilisia, što zmohuć vyrabić i «niestandartny».

Siońnia ŭviečary karespandent «Našaj Nivy» pasprabuje dabiełarusifikavać svaje dakumienty.

Jaŭhien Vasilkoŭ

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH