86 siabroŭ partyi padpisali zajavu ab niazhodzie z palitykaj kiraŭnictva partyi.
86 siabroŭ partyi padpisali zajavu ab niazhodzie z palitykaj kiraŭnictva i vychadzie z partyi. Siarod padpisantaŭ — były staršynia partyi Lavon Barščeŭski, prafiesar Juryj Chadyka, mastak Aleś Maračkin, palittechnołah Vacłaŭ Areška, architektarka ź Bieraścia Iryna Łaŭroŭskaja i inšyja viadomyja partyjcy.
U śpisie padpisantaŭ niama byłoha staršyni partyi Vincuka Viačorki.
Zatoje, jak paviedamlaje sajt «Chartyja-97», zajavu ab vychadzie z partyi maje namier nieŭzabavie napisać i kiraŭnik Mienskaj haradskoj arhanizacyi Partyi BNF Viktar Ivaškievič.
Siabroŭka Rady arhanizacyi BNF Kastryčnickaha rajonu Mienska Ludmiła Biełachvostava dla radyjo "Svaboda" patłumačyła situacyju nastupnym čynam: «My asudžajem kurs Janukieviča-Kastusiova. Razam z tym, nie chočam marnavać čas na ŭnutranyja razborki. My sprabavali razmaŭlać, ale nam było skazana: «Vychodźcie z partyi». Niama sensu zastavacca ŭ arhanizacyi, jakaja pierastała adpaviadać svajoj naźvie i prahramnym kaštoŭnaściam».