Palityki zaprasili nasielnictva abmierkavać scenar 25 Sakavika 27

Šeście na 25-ha sakavika budzie supolnym. Takoje rašeńnie było pryniata arhkamitetam pa śviatkavańni Dnia Voli.

«Padčas akcyi 25-ha sakavika, pieršasnym łozunham musić być „Zachavańnie niezaležnaści Biełarusi“,

- raskazaŭ padčas pres-kanfierencyi namieśnik staršyni Partyi BNF Ryhor Kastusioŭ. - U toj čas, kali adbyvajecca masavy prodaž ajčynnych pradpryjemstvaŭ, a pieršaja łastaŭka hetaha pracesu — heta abjadańnie našaha MAZa z rasiejskim KAMAZam, my pavinny razumieć, što ekanamičnaja niezaležnaść pad pahrozaj. Ułada raspradaje pradpryjemstvy ŭzamien na pryznańnie vybaraŭ i dziejnaści Łukašenki. My pavinny danieści heta ludziam. I, viadoma, nielha zabyvacca na toje, što zaraz vielmi šmat našych siabroŭ, paplečnikaŭ i prosta nieabyjakavych ludziej niespraviadliva znachodziacca za kratami. Vyzvaleńnie palitviaźniaŭ — abaviazkovaje patrabavańnie ad uładaŭ. Partyja BNF aktyŭna pracuje nad infarmacyjnaja kampanijaj. Na siońnia ŭžo viadoma, što na našym sajcie budzie prezientavany prajekt „Svabodnyja ludzi“, dzie znakamityja asoby Biełarusi vykažucca, što jany dumajuć pra niezaležnaść Biełarusi i Dzień Voli. Taksama nami

ŭžo raspracavana ŭlotka ŭ formie paštoŭki, dzie budzie źmiaščaca infarmacyja pra historyju śviata, a taksama pra nadzionnaje pytańnie — stan palitviaźniaŭ».

Pradstaŭnik Biełaruskich chryścijanskich demakrataŭ Vital Rymašeŭski zajaviŭ, što arhkamitet pa praviadzieńni śviatkavańnia Dnia Voli zastajecca adkrytym. «20 lutaha my zaprašajem žurnalistaŭ, palitykaŭ, hramadskich lidaraŭ i prosta nieabyjakavych ludziej ŭ 18.30 na siadzibie BNF abmierkavać farmat našaha śviata. Dumaju, što da nas dałučacca jašče i inšyja ruchi, partyi, ludzi. Bo naša zadača abjadnać jak maha bolš ludziej, a nie zajmacca samapijaram peŭnych palitykaŭ. My źviartajemsia z aficyjnym zvarotam u Mienharvykankam, kab padkreślić, što akcyja budzie niehvałtoŭnaj, mirnaj.

My taksama padkreślivajem, što hatovyja nieści piersanalnuju adkaznaść za biaśpieku ludziej,

tamu zahadzia buduć praviedzienyja pieramovy z pravaachoŭčymi orhanami z zaklikam naładzić pracu adkazna i jakasna. My bolš nie dapuścim, kab nas vystaŭlali radykałami i adščapiencami. Kali na płoščy i buduć pjanyja ludzi, my budziem ich adrazu addavać u ruki milicyi. Ale ja pierakanany, što siarod śviadomych biełarusaŭ, što pryjduć na Śviata Voli, takich nie budzie».

Pradstaŭnik kampanii «Havary praŭdu» Andrej Dźmitryjeŭ dadaŭ, što, na jahonuju dumku, sioleta 25 Sakavika — sumnaje śviata. «Šmat našych ludzie za kratami. U Dzień Voli my pavinny prajavić salidarnaść ź imi.

Padziei 19 śniežnia abjadnali nas, ciapier my ŭtvarajem supolny ruch, jaki hatovy zmahacca za niezaležnaść Biełarusi, jaje suvierenitet i raźvićcio», —

miarkuje jon.

Asobnyja zajaŭki, padadzienyja napiaredadni ŭ Minharvykankam, buduć skasavanyja i padadzienaja novaja, supolnaja zajava. Bolšaść udzielnikaŭ arhkamitetu ŭžo pastavili svaje podpisy.

Infarmacyja raspasiudžana Partyjaj BNF

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH