Amierykanski aktor Džordž Kłuni adchiliŭ mahčymaść taho, što stanie palitykam i budzie ŭdzielničać u vybarach.
«Ja žyŭ tak, jak palityku žyć nie varta, — zajaviŭ Kłuni ŭ intervju Newsweek. — U mianie było zanadta biazładnaje asabistaje žyćcio, i ja zanadta časta ŭžyvaŭ narkotyki».
Dziejnaść aktora ŭ jakaści aktyvista pa abaronie pravoŭ čałavieka ŭ Sudanie, jak miarkuje vydańnie, u pryncypie, mahła b stać dobrym startam dla Kłuni jak palityka. Viadoma, što jon padtrymlivaje Demakratyčnuju partyju ZŠA. U adnym z nastupnych filmaŭ jon hraje kandydata ŭ prezidenty. Šmatlikija amierykanskija aktory, takija, naprykład, jak Ronald Rejhan i Arnold Švarcenehier, u vyniku rabilisia palitykami.
Kłuni zajaviŭ u intervju, što kali b jon i vioŭ vybarčuju kampaniju, to adrazu pryznaŭsia b u svaich hrachach vybarščykam. «Tolki paśla hetaha ja b pačaŭ kazać pra nadzionnyja prablemy, jakija stajać pierad našym hramadstvam», — adznačyŭ aktor.
