Frontaviec patrabuje zvolnić milicyjantaŭ, jakich «pabili» Haponaŭ i Breŭs.
Kiraŭnik Mahiloŭskaj abłasnoj arhanizacyi Partyi BNF Źmicier Sałaŭjoŭ patrabuje ad ministra ŭnutranych spraŭ Biełarusi Anatola Kulašova źviarnuć uvahu na stan milicyi. U zajavie, jakuju aktyvist siońnia adpraviŭ ministru, śćviardžajecca, što supracoŭniki atradu śpiecyjalnaha pryznačeńnia nieprydatnyja da vykanańnia ŭskładzienych na ich funkcyjaŭ.
Nahodaj dla zvarotu da milicejskaha kiraŭnika stalisia śviedčańni jaho padnačalenych na sudzie nad udzielnikami akcyi pratestu na płoščy Niezaležnaści 19 śniežnia Ivanam Haponavym i Arciomam Breŭsam.
Sałaŭjoŭ: «Pieršaje, što patrabujecca ad milicyi, — heta zachoŭvać spakoj hramadzian. Ale kali dva junaki, absalutna nie padrychtavanyja, zvyčajnyja ludzi, źbivajuć piatnaccać milicyjantaŭ, to heta śviedčyć pra poŭnuju dehradacyju biełaruskaj milicyi. U milicyju biaruć
