Svajaki palitviaźniaŭ i zorki Halivuda buduć damahacca acenki dziejańniaŭ biełaruskaj ułady mižnarodnymi sudami i biezumoŭnaha vyzvaleńnia viaźniaŭ dyktatury.
Jak stała viadoma sajtu charter97.org, Iryna Bahdanava (siastra Andreja Sańnikava), Jeva Niaklajeva (dačka Uładzimira Niaklajeva), Kaciaryna Statkievič (dačka Mikałaja Statkieviča), Alena Edvards (siastra Miłany Michalevič) a taksama dramaturh Tom Stopard, jurydyčnaja firma «H20 Law LLP» i Biełaruski Svabodny teatr vystupili inicyjatarami kampanii Free Belarus Now. Inicyjatary kampanii buduć źviartacca ŭ mižnarodnyja sudy z patrabavańniem rasśledavać masavyja vypadki parušeńnia pravoŭ čałavieka ŭ našaj krainie.
Kampaniju padtrymali Michaił Harbačoŭ, Vacłaŭ Havieł, Džordž Kłuni, Majkł Duhłas, Mark Nopfler, Sihurni Uivier, sienatar Ryčard Durbin i mnohija inšyja viadomyja ludzi.
U AAN nakiravanyja listy ab namierach, jakija źjaŭlajucca pieršym krokam u pracesie ŭzbudžeńnia spravaŭ u kamisijach AAN. Listy nakiravanyja ŭ čatyry padpadździaleńni AAN, jakija razhladajuć parušeńni pravoŭ čałavieka:
— U Kamitet pa pravach čałavieka — pracoŭnuju hrupu pa paviedamleńniach;
— śpiecdakładčyku AAN pa niezaležnaści sudździaŭ i advakataŭ;
— śpiecdakładčyku pa pytańni ab zaachvočvańni i abaronie prava na svabodu pierakanańniaŭ i ich svabodnym vyražeńni;
— śpiecyjalnym pradstaŭniku Hienieralnaha sakratara pa pytańni ab pravaabaroncach.
Inicyjatary kampanii zaklikajuć usich, chto paciarpieŭ ad represij biełaruskich uładaŭ, pryniać udzieł u apublikavańni faktaŭ i paviedamić ab takim parušeńni jurystam kampanii, jakija voźmuć na siabie praceduru afarmleńnia skarhaŭ, ich akumulavańnia i supravadžeńnia ŭ pracesie razhladu ŭ kamisijach i padkamisii AAN.
Jašče adnym zajaŭlenym napramkam raboty stanie zvarot i raspačaćcie spravaŭ u dačynieńni da biełaruskich uładaŭ u mižnarodnych sudach.