Vialikdzień sioleta pravasłaŭnyja i kataliki, a taksama pratestanty adznačajuć u adzin dzień — 24 krasavika.
Tradycyjna hetaj radasnaj padziei papiaredničaje sarakadzionny Vialiki post, jaki nahadvaje ab sarakadzionnym znachodžańni Isusa Chrysta ŭ pustyni i praz pakajańnie rychtuje viernikaŭ da pryniaćcia radasnaj viestki pra Uvaskrasieńnie Hospada.
Chryścijanie vizantyjskaj liturhičnaj tradycyi — hreka‑katoliki i pravasłaŭnyja — sioleta raspačynajuć Vialiki post 7 sakavika, u paniadziełak. U niadzielu adbylisia daravalnyja nabaženstvy.
U
U Papialcovuju sieradu vierniki prymajuć udzieł u śviatoj Imšy, padčas jakoj adbyvajecca pasypańnie hałoŭ popiełam, što simvalizuje časovaje prabyvańnie čałavieka na hetaj ziamli, jaho hrešnaść i słabaść.
Padčas pasypańnia hałovaŭ popiełam ad spalenych vierbačak ź minułaha hoda śviatar kaža: «Kajciesia i viercie ŭ Jevanhielle».
Pieražyvańnie Vialikaha postu — heta malitva, post i miłaścina.
Tradycyjny post mieŭ na ŭvazie cialesnyja adračeńni (umierkavanaść u ježy, admaŭleńnie ad škodnych zvyčak, ustrymańnie ad udziełu ŭ zabavach), a taksama pracu nad saboj i ŭłasnymi niedachopami.
Vialiki post — heta taksama čas dla spoviedziaŭ i pakajańniaŭ.
