Senatary Dyk Derbin i Džozef Liberman 9 sakavika ŭnieśli na razhlad Kanhresu symbaličnuju rezalucyju, jakaja asudžaje niadaŭnija vybary ŭ Biełarusi jak nielehitymnyja i zaklikaje da nieadkładnaha vyzvaleńnia ŭsich palityčnych źniavolenych.
Dakument, paviedamlaje Hołas Ameryki, taksama zaklikaje da novych žorstkich sankcyj z boku ZŠA i Eŭraźviazu ŭ dačynieńni da vysokapastaŭlenych čynoŭnikaŭ ź Biełarusi.
Senatary acharaktaryzavali vybary 19 śniežnia, na jakich prezydent Alaksandar Łukašenka byŭ abrany na čaćviorty termin, jak «sfalsyfikavanyja», i asudzili padaŭleńnie apazycyi i aryšty kandydataŭ u prezydenty.
Senatar Derbin skazaŭ, što dakument pryciahnie ŭvahu da biełaruskaha režymu i stanie novym zaklikam mižnarodnaj supolnaści da pieramienaŭ u Biełarusi. Pavodle jaho, rezalucyja daje zrazumieć biełarusam, što amerykanski narod — razam ź imi i padtrymlivaje ich imknieńnie da svabody.
0
0
0
0
0
0
