MZS zaklikała hramadzian Biełarusi pakinuć terytoryju niebiaśpiečnych prefiektur Japonii 1

Ministerstva zamiežnych spraŭ Biełarusi zaklikała biełaruskich hramadzian pakinuć terytoryju troch prefiektur Japonii, znachodžańnie ŭ jakich moža być niebiaśpiečnym u suviazi z raźvićciom situacyi na atamnych stancyjach Fukusima-1 i Fukusima -2.

Ab hetym zajaviŭ pres-sakratar MZS Andrej Savinych na bryfinhu 17 sakavika.

Pavodle jaho słoŭ, biełarusam rekamiendavana vyjechać u paŭdniovyja prefiektury Japonii abo naohuł pakinuć krainu rehularnymi avijarejsami.

Pasolstva Biełarusi ŭ Japonii pracuje «ŭ narmalnym režymie», ustanoŭleny kantakty z 75 biełaruskimi hramadzianami, jakija znachodziacca ŭ krainie, paviedamiŭ Savinych.

MZS, zajaviŭ pres-sakratar, praciahvaje vieści pastajanny manitorynh situacyi, jakaja «zastajecca składanaj». «My rekamiendujem biełaruskim hramadzianam ustrymacca ad pajezdak u Japoniju da stabilizacyi abstanoŭki ŭ hetaj krainie», — skazaŭ Savinych.

Andrej Sierada, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH