Eks-pretendent na pasadu prezidenta Uładzimir Pravalski zajaŭlaje ab inicyjavańni praviadzieńnia refierendumu ab adstaŭcy Alaksandra Łukašenki.
«Ja, staršynia arhanizacyjnaha kamiteta schodu inicyjatyŭnaj hrupy pa praviadzieńni respublikanskaha refierendumu Pravalski Uładzimir Alaksandravič, davodžu da viedama vybarščykaŭ Respubliki Biełaruś, što arhkamitet refierendumu pryniaŭ rašeńnie ab sklikańni schodu inicyjatyŭnaj hrupy pa praviadzieńni respublikanskaha refierendumu», — havorycca ŭ zajavie viciebskaha pradprymalnika, što pastupiła ŭ BiełaPAN.
Dla razhladu na refierendumie Pravalski płanuje prapanavać nastupnaje pytańnie: «Prapanujem prezidentu Respubliki Biełaruś Łukašenku Alaksandru Ryhoraviču padać u adstaŭku ŭ suviazi sa strataj davieru vybarščykaŭ Respubliki Biełaruś».
Nahadajem, Uładzimir Pravalski vyłučaŭsia kandydatam na prezidenckich vybarach 2010 hoda. Adnak Centrvybarkam pryznaŭ sapraŭdnymi tolki 118 podpisaŭ, sabranych u jaho padtrymku. Jak paviedamlałasia na pasiadžeńni 11 listapada 2010 hoda, bolšaść padpisnych listoŭ z podpisami za vyłučeńnie Pravalskaha byli zrobleny kapiravalnym sposabam.
