Jak paviedamiŭ «Našaj Nivie» mahiloŭski aktyvist Valancin Łabačoŭ, u Mahilovie byli zatrymanyja staršynia mahiloŭskaj abłasnoj arhanizacyi Partyi BNF Źmicier Sałaŭjoŭ, karespandent BiełaPAN Uładzimir Łapcevič, hramadski aktyvist Alaksandr Siłkoŭ, maładafrontaviec Źmicier Pasrednikaŭ. Samoha Łabačova taksama zatrymali na płoščy Savieckaj u Mahilovie. Jon źbiraŭsia ŭskłaści kvietki kala miascovaha dramatyčnaha teatra.
Jak paviedamlaje sajt pravaabarončaha centru «Viasna», u Mahilovie taksama zatrymali maładafrontaŭca Siarhieja Niahacina, hramadskaha aktyvista Michaiła Šaramietava, namieśnika staršyni Svabodnaha prafsajuza Biełaruskaha Juryja Novikava i aktyvista Uładzimira Novikava.
Jury Novikaŭ i Aleś Siłkoŭ znachodziacca ŭ pastarunku na vulicy Cimirazieŭskaj, Uładzimir Novikaŭ na zavułku Pažarnym.
Žurnalista BiełaPAN Łapceviča razam z Sałaŭjovym vinavaciać u akazańni supracivu pry zatrymańni. Pry zatrymańni da jaho byli prymienieny śpiecyjalnyja srodki — kajdanki.
Źmicier Sałaŭjoŭ pry byŭ zatrymańni traŭmiravany i «chutkaja» vaziła jaho ŭ traŭmapunkt. Zaraz, vierahodna, jon znachodzicca ŭ milicejskim pastarunku na zavułku Pažarnym.
