Pajšoŭ druhi hod, jak abviaścili ab pačatku pracy.
«Na razhladzie ŭ Ministerstvie kultury znachodziacca try kinaprajekty — heta «Kałasy pad siarpom tvaim» pa adnajmiennym tvory Uładzimira Karatkieviča, padadzieny taksama zajaŭki scenarysta Aleny Kalunavaj «Zabrany kraj» ab žyćci i tvorčaści Janki Kupały, Andrej Kurejčyk prapanavaŭ realizavać prajekt «Francysk Skaryna», — zajaviŭ ministr kultury Pavieł Łatuška padčas «pramoj» linii ŭ redakcyi haziety «Sovietskaja Biełoruśsija». — Paśla ŭvažlivaha vyvučeńnia dadzienych scenaroŭ my źvierniemsia da hłavy dziaržavy z chadajnictvam ab nadańni statusu nacyjanalnaha adnamu ź ich: pryniaćcie takoha rašeńnie vyklučna ŭ jaho kampietencyi».
Ab namiery ekranizavać raman Uładzimira Karatkieviča zajavili jašče ŭ lutym 2010 hoda. Za hety čas napisali tolki scenar.
Na kinastudyi «Biełaruśfilm» paviedamili, što praca nad stužkaj idzie. Ciapier vyrašajecca pytańnie ź finansavańniem. Jak tolki budzie źniataje heta klučavoje pytańnie, možna budzie havaryć pra dakładnyja daty zdymkaŭ.
U kancy minułaha hoda ministr kultury zajaviŭ, što «Kałasy pad siarpom tvaim» pavinien stać sumiesnym biełaruska-polskim prajektam. Na kinastudyi ž bačać u hetym supiarečnaść. Z adnaho boku Pavieł Łatuška stavić zadaču šukać zamiežnych partnioraŭ, a ź inšaha — choča nadać prajektu status nacyjanalnaha. Apošniaje, maŭlaŭ, nie stasujecca z sumiesnaj vytvorčaściu filma. Tamu na «Biełaruśfilmie» nie mohuć skazać, ci buduć palaki ŭdzielničać u pracy nad stužkaj.
Źniać film pavodle inšaha tvora Uładzimira Karatkieviča, «Čorny zamak Alšanski», płanuje Alaksandr Jafremaŭ.
Praca pavinna raspačacca ŭ nastupnym hodzie.
