Kot-dJIvuar: prezident-uzurpatar paddaŭsia paśla niekalkich rakietnych udaraŭ z ukrainskich viertalotaŭ 5

Prezident Kot-dJIvuara Łoran Hbahbo, ad jakoha mižnarodnaja supolnaść patrabavała syści ŭ adstaŭku, pryznajučy pieramohu inšaha ŭdzielnika prezidenckich vybaraŭ Ałassana Uatara, prosić abarony ŭ AAN, paviedamlaje Reuters. Hbahbo admaŭlaŭsia pryznać praŭdzivyja vyniki vybaraŭ i abviaściŭ publična svoj vynik, sfalšavany.

Ź im sprabavali vieści dyjałoh niekalki miesiacaŭ. Urešcie Uatara pieraciahnuŭ na svoj bok bolšuju častku armiju i ŭziaŭ pad kantrol harady, na jakija abapiraŭsia Hbahbo. Hbahbo sprabavaŭ supraciŭlacca, ale chapiła niekalkich rakietnych udaraŭ z ukrainskich viertalotaŭ, kab jon skłaŭ zbroju.

«Prezident Hbahbo ŭžo zdaŭsia i prosić abarony miratvorčaj misii AAN u Kot-dJIvuara», — havorycca ŭ dakumiencie na błanku miratvorčaha kantynhientu AAN, jaki bačyŭ karespandent Reuters.

Niekalki hadzin tamu ministr zamiežnych spraŭ Alsid Džedže, jaki ŭvachodzić va ŭrad Hbahbo, zajaviŭ ab pačatku pieramovaŭ z pradstaŭnikami Uatara.

Jašče raniej siły Hbahbo abviaścili ab spynieńni ahniu.

U noč na aŭtorak vajskovyja adździeły, jakija na praciahu apošnich dzion viali krovapralitnyja bai, abaraniajučy eks-prezidenta Hbahbo i horad za horadam sastupajučy prychilnikam Uatara, sastupili prezidenckuju rezidencyju ŭ Abidžanie, najbujniejšym horadzie krainy.

«Ja ŭ rezidencyi francuzskaha ambasadara, dzie my viadziem pieramovy ab zamireńni», — zajaviŭ ministr u efiry radyjo France International.

Ministr abarony Francyi Žerar Łanhie paśla hetaha zajaviŭ, što kryzis u Kot-dJIvuary budzie vyrašany ŭžo ŭ bližejšyja hadziny.

Kantynhient AAN u hetym kanflikcie ŭžyŭ zbroju suprać armii Hbahbo, paśla taho jak miratvorcy trapili pad abstreł, pryčym udary pa vojskach Hbahbo nanosili ŭkrainskija viertalotčyki.

Kot-dJIvuar staŭ druhoj krainaj paśla Livii, dzie na ŭmiašańni nastajała Francyja.

0

0

0

0

0

0

SH

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH