Standard & Poor's źmianiła prahnoz pa kredytnym rejtynhu ZŠA sa «stabilnaha» na «niehatyŭny». Doŭh krainy dasiahnuŭ nierealnaha pamieru.
Ministr finansaŭ ZŠA Cimaci Hiejtnier nie zhodny z acenkami rejtynhavaha ahienctva Standard & Poor's, jakoje napiaredadni apublikavała svoj piesimistyčny prahnoz.
Standard & Poor's paćvierdziła rejtynh ZŠA na adznacy AAA i źmianiła prahnoz pa rejtynhu sa «stabilnaha» na «niehatyŭny».
Hiejtnier zajaviŭ, što niama ryzyki, što ZŠA straciać vysoki kredytny rejtynh na ŭzroŭni AAA. «Takoha ryzyki niama», — skazaŭ jon u intervju Fox Business Network. Z nahody panižeńnia prahnozu pa rejtynhu jon skazaŭ, što Vašynhton surjozna stavicca da raspracoŭki prahram, jakija pavinny dapamahčy skaracić deficyt biudžetu.
«Kali vy ŭvažliva nazirajecie za tym, što adbyvajecca ŭ Vašynhtonie, vy bačycie: ludzi z abodvuch bakoŭ — demakraty i respublikancy — zhadžajucca z prezidentam, što my pavinny ŭvieści ŭ dziejańnie šerah reformaŭ zaraz, kab u doŭhaterminovaj pierśpiektyvie skaracić deficyt biudžetu», — dadaŭ jon.
Na dumku analitykaŭ Standard & Poor's, ZŠA sutyknucca ź ciažkaściami pry absłuhoŭvańni hihanckaha doŭhu ŭ $ 14 trłn. U suviazi z hetym ahienctva źmianiła prahnoz pa rejtynhu krainy sa «stabilnaha» na «niehatyŭny». Paśla hetaha rynki abrynulisia, inviestary pačali skuplać zołata, bo ŭ amierykanskija dziaržablihacyi ŭkładzieny valutnyja reziervy bolšaści krain śvietu.
Hajtnier u intervju Bloomberg Television skazaŭ, što jak unutranyja, tak i zamiežnyja inviestary
Varta adznačyć dla paraŭnańnia, što kredytnyja rejtynhi Biełarusi na paradak horšyja, čym u ZŠA. Standard & Poor's prysvoiła doŭhaterminovyja suvierennyja kredytnyja rejtynhi Biełarusi na ŭzroŭni «B+" u zamiežnaj valucie, a karotkaterminovy rejtynh — na ŭzroŭni «B». Prahnoz rejtynhaŭ — «niehatyŭny».
