Vystupajučy siońnia z pasłańniem da naroda i parłamienta, Alaksandr Łukašenka raskrytykavaŭ pracu novaha składu ŭrada.
«Farmujučy novy skład urada, pryznačajučy novaha prem'
jer-ministra, daŭšy praktyčna poŭnuju volu dla inicyjatyvy, ja raźličvaŭ, što jany biez razvarušvańnia, apieratyŭna i efiektyŭna pakažuć svaje zdolnaści. Ale pakul hety praces zaciahnuŭsia. Choć ja papiaredžvaŭ, što ŭ novych umovach kožnamu treba pracavać napružana i adkazna — heta aksijoma», — padkreśliŭ kiraŭnik dziaržavy.
Łukašenka adznačyŭ, što dahetul Biełaruś pravodziła vielmi miakkuju hrašova-kredytnuju palityku. «Kredytavali i pradpryjemstvy, i nasielnictva pa samych roznych kirunkach. Vydavali kredyty na ŭsio: i na žyllo, i na spažyvieckija patreby, i na raznastajnyja inšyja mety», — skazaŭ jon.
Adnačasova ŭ ludziej źjaviłasia peŭnaja zališniaja masa rubloŭ, ludzi pajšli kuplać valutu. «I vy bačycie, što z hetaha atrymałasia», — zajaviŭ kiraŭnik dziaržavy.
Ciapier, padkreśliŭ jon, treba «vyjści na raŭnavažny valutny kurs». «Ekanamičnamu błoku krainy nieabchodna likvidavać u samyja karotkija terminy dyspraporcyju ŭ ekanomicy, nazapašanuju ŭ pieryjad suśvietnaha kryzisu i dalejšaha adnaŭleńnia. Vychad na raŭnavažny valutny kurs», — skazaŭ Łukašenka.
Urad i Nacbank, dadaŭ jon, abaviazany «spakojna, sistemna, biez usiakaj nadzvyčajščyny, vyrazna i dastupna tłumačyć ludziam svaje dziejańni, nie stvarajučy niepatrebnaha ažyjatažu».
Prezident nahadaŭ: «Na naradzie [15 krasavika] niekatoryja pradstaŭniki ŭrada kazali, što treba adzin-dva dni na padrychtoŭku, na infarmavańnie nasielnictva. Nu, dumaju, dobra, padrychtujcie. Sam nie ŭmiešvajusia ŭ hetyja pracesy. I hladžu heta „padrychtoŭka“ siońnia schiliłasia da taho, što — „heta my padrežam, heta my rabić nie budziem, voś, razumiejecie, jość rynak, popyt-prapanova, heta ŭsio tam, heta nie naša sprava“… Michaił Uładzimiravič [Miaśnikovič], nam taki ŭrad u krainie nie patrebny, kali heta tak. Tamu vy ŭžo, kali łaska, rabicie ŭsio tak, kab było narmalna. A jakimi mietadami — ja ŭžo havaryŭ — cyvilizavanymi mietadami, usie jany dobryja, ja vas u hetym płanie nie strymlivaju. A voś prosta abrezać usio, „i heta rabić, i jak zapytajuć — tak i pradamo valutu“ — nie treba, tak sprava nie pojdzie. Heta tolki ŭ padručnikach, jakija nam pryvoziać z Zachadu, napisana. Ale žyćcio nikoli nie prymała takija čystyja teoryi».
BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
