Pra heta zajaviŭ Alaksandr Łukašenka 22 krasavika na naradzie ab chodzie raskryćcia i rasśledavańnia akaličnaściaŭ vybuchu 11 krasavika ŭ minskim mietro, paviedamlaje pres-słužba prezidenta.
"Naša ščaście, što my zatrymali hetych niahodnikaŭ i praduchilili niekalki takich padziej", — skazaŭ kiraŭnik dziaržavy. Pavodle jaho słoŭ, heta paćviardžajuć śledčyja dziejańni. Razam z tym biez adkazu pakul zastajecca pytańnie ab saŭdzielnikach i zakazčykach terakta, kali jany jość.
"U budučyni nam ni ŭ jakim razie nielha dapuścić paŭtoru takich padziej. Ale dla hetaha vielmi važna znajści ludziej, jakija choć niejak byli datyčnyja da hetaha", — zaznačyŭ kiraŭnik dziaržavy. Łukašenka padkreśliŭ, što dla jaho "vielmi važna trymać ruku na pulsie". "Sprabujučy vybudavać niejkuju sistemu svajho ŭdziełu ŭ rasśledavańni terakta, ja atrymlivaju praktyčna ŭ režymie realnaha času infarmacyju ad apieratyŭnych hrup, jakija pracujuć pa kryminalnaj spravie, — skazaŭ prezident. — Hetaja kryminalnaja sprava pavinna być u samy karotki termin i jakasna daviedziena da suda".
Kiraŭnik dziaržavy źviarnuŭ asablivuju ŭvahu na tuju apieratyŭnaść, ź jakoj pracavali i praciahvajuć pracavać usie słužbovyja asoby, što viaduć i adkazvajuć za śledstva. Pry hetym jon padkreśliŭ, što "ni ŭ jakim vypadku nielha dapuskać jak pasłableńniaŭ, tak i niejkich liškaŭ u hetaj kryminalnaj spravie". "Tamu što heta asablivaja kryminalnaja sprava, i jana zastaniecca nie prosta ŭ archivach, ale i ŭ historyi našaj dziaržavy", — skazaŭ jon. "Usio pavinna być pa zakonie, sumlenna i spraviadliva", — padkreśliŭ Łukašenka.
Łukašenka pryniaŭ rašeńnie štotydniova pravodzić takija narady, razhladać pramiežkavyja vyniki, nie ŭmiešvajučysia pry hetym, pavodle jaho słoŭ, u chod śledčych mierapryjemstvaŭ.
