Uładzimir Chalip, baćka žurnalistki Iryny Chalip, pieradaŭ u redakcyju Chartija97 list Danika da taty.
«Vysyłaju list Dańki Sańnikava, jaki jon pradyktavaŭ dla svajho baćki. Nijakich źmienaŭ ja nie rabiŭ, usio jak jość. Hety list byŭ by tolki asabistaj spravaj Dańki, kali b nie adna istotnaja akaličnaść. 15 maja jamu spaŭniajecca čatyry hady. Pieršym na heta źviarnuŭ ŭvahu čałaviek z Drazdoŭ. Rychtuje małomu śpiecyjalny padarunak — sudy nad baćkami Dańki. I tamu, napeŭna, varta było b uzhadać hety ścipły tekst z krainy, jakoj «zajzdrościć ŭvieś śviet», piša Uładzimir Chalip.
***
O, moj luby tata!
Ja tak lublu ciabie! Chaču, kab ty nie vaziŭsia sa tvajoj pracaj. Kali łaska, tata, pryjazdžaj da nas.
Ja chaču, kab ty pryvioz mnie
Ź luboŭju, Dania.
U mamy prastuda i joj nielha vychodzić. Tamu my vychodzim tolki ź ciotkaj Taniaj, babulaj i dziedam.
***
Sud nad Andrejem Sańnikavym raspačniecca 27 krasavika, praces budzie prachodzić u sudzie Partyzanskaha rajona stalicy.
Były kandydat u prezidenty Andrej Sańnikaŭ abvinavačvajecca ŭ arhanizacyi «masavych biesparadkaŭ» i jamu pahražaje da 15 hadoŭ pazbaŭleńnia voli. Viečaram 19 śniežnia jon byŭ žorstka źbity, i ad nočy prezidenckich vybaraŭ znachodzicca ŭ SIZA KDB.
