Hałoŭnaja śpiecyjalistka departamienta pa archivach i spravavodstvie Ministerstva justycyi Biełarusi, siabroŭka hieraldyčnaj rady pry prezidencie Maryna Jalinskaja 4 maja na videabryfinhu ŭ Minsku zajaviła, što «my ni ŭ jakim razie nie pavinny zabyvacca na svaje histaryčnyja simvały, u pryvatnaści taki nacyjanalny simvał, jak hierb «Pahonia».
«Kali my ŭ histaryčnaj pierśpiektyvie budziem razhladać hety simvał, to zrazumiejem, što hety simvał nie tolki biełaruski, ale i internacyjanalny, — skazała Jalinskaja. — Što takoje vieršnik? Heta — abaronca, voin, heta — pieramožca».
Jalinskaja taksama adznačyła, što hierb «Pahonia» źjaŭlajecca nacyjanalnaj niemateryjalnaj kaštoŭnaściu i achoŭvajecca pa zakonie, naroŭnie ź inšaj terytaryjalnaj i šlachieckaj hieraldykaj. «Heta tyja histaryčnyja kaštoŭnaści, jakija my pavinnyja lubić i pavažać», — padkreśliła śpiecyjalist. Na jejnuju dumku, simvolika histaryčnaja i sučasnaja suisnujuć paralelna, i kožny hramadzianin Biełarusi maje prava na svajo staŭleńnie da hetych simvałaŭ.
