Svaboda słova: u Połacku pošta anuluje padpisku na «NN» 9

Rašeńnia suda ab zakryćci haziety jašče niama, a padpiska na «Našu Nivu» ŭ Połacku i ​​Połackim rajonie ŭ adździaleńniach suviazi bolš nie prymajecca.

Rabotniki hałoŭnaha paštovaha adździaleńnia suviazi Połacka abzvońvajuć rajonnyja vuzły suviazi z zahadam anulavać padpisku na hazietu «Naša Niva». Padpisantam viartajuć hrošy za padpisku, kažučy, što takoj haziety bolš nie budzie, paviedamlaje sajt PC «Viasna».

Redakcyja sprabuje vyśvietlić, ad kaho sychodzić hety supraćzakonny zahad.

Nahadajem, Ministerstva infarmacyi inicyjavała sudovyja pracesy ab zakryćci haziet «Naša Niva» i «Narodnaja Vola». Padrychtoŭčaje pasiedžańnie pa spravie «NN» projdzie 11 maja ŭ Vyšejšym haspadarčym sudzie.

Heta nie pieršaja sproba abmiežavać hramadstvu dostup da abjektyŭnaj infarmacyi. Ciaham 2005—2008 hh. «Naša Niva» znachodziłasia na paŭlehalnym stanoviščy, nie majučy mahčymaści raspaŭsiudžvacca praz «Biełsajuzdruk» i «Biełpoštu».

U novaj składanaj situacyi Redakcyja zrobić usio mahčymaje, kab zachavać vydańnie. Jak i ŭ 2005 hodzie, kali hazietu vyhaniali z «Biełsajuzdruku» i «Biełpošty»,

prosim usich, chto choča i nadalej čytać «Našu Nivu», paviedamić nam svaje paštovyja adrasy

. Kantakty tych, chto padpisvaŭsia praz Redakcyju, my majem.

Prosim terminova dasłać svaje kantakty tych, chto padpisvaŭsia praz «Biełpoštu» abo kuplaŭ hazietu ŭ kijoskach.

Paviedamić Vašy adrasy možna

praz elektronnuju poštu [email protected].

Abo praz telefony: (017) 284-73-29, (029) 260-78-32, (029) 618-54-84,

Skype: nashaniva.

Abo listom na adras: a/c 537, Minsk, 220050.

Hetyja ž kantakty — dla naŭprostavaj suviazi z Redakcyjaj pa ŭsich pytańniach, źviazanych ź losam «NN».

Čytajcie sajt nn.by. Kali raptam sajt nn.by stanie niedastupny, čytajcie sajt nnby.eu, jaki pryjdzie jamu na źmienu ŭ vypadku patreby.

Red.

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH