Łukašenka pra zajavy Łaŭrova: «Siadžu i słuchaju: chto b havaryŭ» 12
U Astanie kiraŭnik Biełarusi narakaŭ, što na jaho «cisk idzie z usich bakoŭ».
Na sustrečy z prafiesarska-vykładčyckim składam i studentami Jeŭrazijskaha nacyjanalnaha univiersiteta imia Humilova ŭ Astanie Łukašenka zajaviŭ, što Biełaruś hatovaja da supracoŭnictva ź ES i ZŠA «jak viadučaj dziaržavaj śvietu». Adnak pieraškadžajuć pastajannyja patrabavańni demakratyzacyi. «My nie možam pasiekčy ciapierašniuju sistemu našaha kanstytucyjnaha ładu na kavałki i raźmierkavać jaje pamiž hrupami pa intaresach, palityčnymi partyjami i hetak dalej», — kazaŭ Łukašenka.
Narakaŭ jon i na Rasiju, jakaja apošnim časam taksama zahavaryła pra nieabchodnaść datrymańnia pravoŭ čałavieka ŭ Biełarusi: «Cisk idzie z usich bakoŭ, raptam zademakratyzavałasia kiraŭnictva Rasijskaj Fiederacyi, pačaŭsia cisk. Ledź ci nie zajavy čuju Łaŭrova ab zachavańni ci to pravoŭ čałavieka, ci to demakratyi. Siadžu i dumaju: chto b havaryŭ», — dadaŭ Alaksandr Łukašenka.
