Manikiur Kałašnikava: prysiaha žančyn u vojsku 41

«Ja, hramadzianin Respubliki Biełaruś, hanarova klanusia być addanym svajmu narodu…» — takimi słovami raspačynajuć svaju prysiahu žaŭniery (ci žaŭnierki?) kantraktnicy ŭ biełaruskim vojsku. Na siońnia va Ŭzbrojenych Siłach Biełarusi słužyć bolš za 4 tysiačy žančyn. Bolš za 400 ź ich — aficery. Hiendarnyja stereatypy ŭ Biełarusi pačali źmianiacca i ŭ vajskovaj śfiery.

Dla prysiahi ŭ pryznačany čas šychtujecca ŭvieś skład vajskovaj častki.

Kandydatki na zvańnie žaŭniera biełaruskaha vojska.

Na strajavy płac vynosicca štandar vajskovaj častki.

Prysiaha začytvajecca sa zbrojaj u rukach.

Prymaje prysiahu aficer Uzbrojenych Sił.

Tekst prysiahi - na dźviuch movach.

«Hanarova klanusia być addanym svajmu narodu...»

Prysiaha dla žančyn-kantraktnic ničym nie adroźnivajecca ad sałdat terminovaj słužby.

Štandar vajskovaj častki.

Nampalit vajskovaj častki robić kalektyŭnaje fota.

Žaŭnier biełaruskaha vojska.

Zbroju hetyja ruki trymać umiejuć.

Zdymki: lipień 2010 h., v/č 19293, Barysaŭ.

Zazvyčaj žančyn-kantraktnic pryvodziać da prysiahi paśla avałodvańnia imi ahulnavajskovymi praviłami — viedańnia vajskovych statutaŭ i strajavoj padrychtoŭki. U adroźnieńnie ad sałdataŭ terminovaj słužby, heta adbyvajecca nie sistematyčna — ciaham usiaho hoda paśla afarmleńnia ŭsich dakumientaŭ, źviazanych z vajskovaj słužbaj pa kantrakcie.

Rytuał prysiahi taksama nie adroźnivajecca ad sałdat terminovaj słužby — u pryznačany čas na strajavym płacu vajskovaj častki šychtujecca jaje asabovy skład, vynosicca dziaržaŭny ściah i štandar častki, forma vajskovaj vopratki pryznačajecca kamandziram častki. Budučyja žančyny — abaroncy Ajčyny — pierad šerahami vajskoŭcaŭ začytvajuć tekst prysiahi.

«Ja, hramadzianin Respubliki Biełaruś (proźvišča, imia, imia pa-baćku), hanarova klanusia być addanym svajmu narodu, śviata vykonvać Kanstytucyju Respubliki Biełaruś, vykonvać patrabavańni vajskovych statutaŭ i zahady kamandziraŭ i načalnikaŭ».

Klanusia hodna vykonvać vajskovy doŭh, mužna i samaaddana abaraniać niezaležnaść, terytaryjalnuju cełasnaść i kanstutycyjny ład Respubliki Biełaruś".

U biełaruskaje vojska iduć tyja žančyny, jakija mohuć kanviertavać svaju hramadzianskuju śpiecyjalizacyju na «vajskovyja rejki». Čaściej heta miedyki, jurysty, psichołahi, žurnalisty (dla ich u vajskovych častkach jość śfiera infarmacyjna-ideałahičnaj pracy). U vojski suviazi prymajuć vypusknic Vyšejšaha dziaržaŭnaha kaledža suviazi. Tyja, chto maje dypłom ab vyšejšaj adukacyi, paśla afarmleńnia dakumientaŭ i zdačy ispytaŭ atrymlivajuć aficerskija pahony.

Niamała vypadkaŭ, kali dziaŭčaty iduć u vojska dziela zarobku. Siaredni zarobak radavoha žančyny-kantraktnicy krychu bolšy, čym na bujnych pramysłovych pradpryjemstvach. Zarobak stabilny, hrafik niaźmienny, «kazionnaja» vopratka, ilhotnaje žyllo, dapłaty za narady i dziažurstva.

0

0

0

0

0

0

Fota i tekst: Siarhiej Hudzilin

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH