Budujuć palihon dla vyprabavańnia hienietyčna madyfikavanych kultur 3

Budaŭnictva biełaruskaha palihona dla vyprabavańniaŭ hienietyčna madyfikavanych kultur zavieršycca ŭ 2012 hodzie. Palihon budzie raźmiaščacca ŭ Minsku,

paviedamiła 4 žniŭnia na bryfinhu namieśnik dyrektara pa navukovaj pracy dziaržaŭnaj navukovaj ustanovy «Instytut hienietyki i cytałohii NANB» Valancina Lemieš.

Na stvareńnie palihona pamieram 25×112 mietraŭ vydzielena 340 młn. rubloŭ, ź ich 140 młn. — na abstalavańnie, jakoje ŭžo nabyta letaś, a 200 młn. — niepasredna na palihon (prajektna-kaštarysnaja dakumientacyja, aharodžy, sistema videanazirańnia).

«My ŭžo pačali jaho budaŭnictva, u nastupnym hodzie jon budzie zavieršany, — skazała Lemieš. — Zaraz zakuplajem sielskahaspadarčuju techniku: traktar, mini-traktar, siejałku».

Na palihonie, pavodle słoŭ vučonaha, płanujecca vypraboŭvać «raśliny, atrymanyja ŭ navukova-daśledčych instytutach». Najpierš heta buduć uzory hienietyčna madyfikavanaj bulby, mahčyma, ilnu i rapsu.

Pavodle słoŭ kiraŭnika Nacyjanalnaha kaardynacyjnaha centra bijabiaśpieki Instytuta hienietyki i cytałohii NANB Siarhieja Dramaški, palihon dla vyprabavańniaŭ praduktaŭ hiennaj inžynieryi pakaža, što «Biełaruś znachodzicca na dastatkova dobrym uzroŭni raźvićcia i zdolnaja ŭvajści ŭ kłub 25 bijatechnałahičnych krain, jakija vyroščvajuć hienietyčna madyfikavanyja kultury ŭ pramysłovych umovach».

Prajekt stvareńnia hetaha vyprabavalnaha kompleksu ŭvachodzić u dziaržaŭnuju prahramu «Inavacyjnyja bijatechnałohii».

Zachar Ščarbakoŭ, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH