Ceny na hrečku zastanucca na ciapierašnim uzroŭni, paviedamiŭ napres-kanfierencyi ŭ Minsku 24 žniŭnia namieśnik ministra sielskaj haspadarki i charčavańnia Vasil Paŭłoŭski.
«My źbirajemsia najbližejšym časam padniać zakupačnuju canu na hrečku dla sielhasvytvorcaŭ, a ŭ cełym u budučym cana na hrečku nie budzie pavyšacca. Jana zastaniecca jakaja jość», — zajaviŭ Paŭłoŭski.
«Kali budzie padzieńnie cen na rynku, to budziem razhladać pamianšeńnie cany,— dadaŭ jon. — Ceny budziem jašče rehulavać. Ale roźnicu my čapać nie budziem».
Paŭłoŭski paviedamiŭ, što sielhaspradpryjemstvy ŭžo pačali ŭborku hrečki. Sioleta pasievy byli pavialičanyja i składajuć razam ź fiermierskimi haspadarkami 41 tys. ha.
Pavodle słoŭ namieśnika ministra, ahrarniki raźličvajuć na dobry ŭradžaj hrečki. Kali letaś jany atrymali 11 centnieraŭ z hiektara, to sioleta ŭradžajnaść składaje 17 centnieraŭ.
«Tak što płanujem atrymać ziernia kala 40 tys. ton, a vychad krupy zvyčajna ź ziernia — 60%. Heta značyć, što 25 tys. ton krup, na jakija Ministerstva handlu zrabiła zajaŭku, my sioleta atrymajem», — padkreśliŭ Paŭłoŭski.
