Viečaram 27 vieraśnia ŭ pryvatnaj kvatery ŭ Homieli byŭ znojdzieny trup 27-hadovaha žychara Karmianskaha rajona. Zahinułamu byli naniesieny nažavyja ranieńni.
Jak u pravaachoŭnych orhanach, pa padazreńni ŭ zabojstvie adšukvajecca žychar Homiela 1994 hoda naradžeńnia.
Heta nie adzinaje złačynstva ŭ vobłaści za minułyja sutki, va ŭčynieńni jakich padazrajucca padletki. Pavodle infarmacyi pres-słužby UUS Homielskaha abłvykankama, raspačata kryminalnaja sprava ŭ dačynieńni da vučnia 11-ha kłasa Pcičskaj siaredniaj škoły (Pietrykaŭski rajon). Jon padazrajecca ŭ tym, što 18 vieraśnia ŭ parku vioski Pcič z-za asabistych niepryjaznych adnosin nanios 19-hadovamu adnaviaskoŭcu nažavyja ranieńni ŭ hrudnuju kletku, hałavu i plačo. Paciarpieły dastaŭleny ŭ balnicu.
U Homieli 20-hadovy navučeniec darožna-budaŭničaha kaledža napaŭ na vadziciela taksi, jaki jaho padvoziŭ. Navučeniec nakinuŭ na šyju vadziciela piatlu, sprabavaŭ zavałodać hrašyma, ale, sustreŭšy supraciŭleńnie, uciok. Jaho asoba ŭstanoŭlena.
BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
