Łukašenka, Švied i chtości: «Reakcyja hramadstva na terakt stała niepryjemnym adkryćciom» 18

«Švied adznačyŭ, što apošnim časam u ŚMI źjaŭlajecca iłžyvaja infarmacyja, „meta jakoj — akazać cisk na ŭłady i sud“. Pavodle jaho słovaŭ, kamuści niedaspadoby, što takoje złačynstva tak chutka raskryli».

«Toje, što adbyłosia, heta, pa-pieršaje, «anamalna dla Biełarusi», pa-druhoje, «niedapuščalna», pa-treciaje, «zahinuli ludzi». «Pa-čaćviortaje, voś tak nachabna, vy bačyli, jak jon siabie pavodziŭ na dopytach, jon staraŭsia zabić bolšuju kolkaść ludziej», — padkreśliŭ Łukašenka. Ź inšaha boku, praciahnuŭ jon, jość baćki asudžanych, častka hramadstva, jakaja ŭstała na abaronu. «I voś pačynaješ usio heta ŭzvažvać».

Voś što piša na heta ŭ kamientach adzin z čytačoŭ našaha sajta:

«Dumaju, klučavoje tut nie baćki, a ČASTKA HRAMADSTVA. Dla Łukašenki, mahčyma, reakcyja hramadstva na terakt i staŭleńnie da «terarystaŭ» stała adnym ź niepryjemnych i niečakanych adkryćciaŭ, kštałtu Płoščy. Adsiul i hetyja biazdarnyja sproby, zdavałasia b, mocnaj ułady dakazać niešta (prava zabivać, kaho paličyć patrebnym) takoj słaboj i biazvolnaj hramadzie.

Nasamreč, Łukašenka staŭ zakładnikam svajoj ža palityki. 17 hod chłuśni i manipulacyj, zakaznych pracesaŭ, pasadak za 5 patronaŭ. Navat, kali i dapuścić dumku, što Kanavałaŭ čort z rahami i mieryŭsia jašče try bomby ŭzarvać, to ŭsio adno [paśla raniejšych padmanaŭ i falsifikacyj] mała chto ŭ adekvacie ŭ heta pavieryć».

0

0

0

0

0

0

Z kamientaŭ na nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH