Navukovuju stupień hałoŭnamu doktaru prezidenckaj balnicy prezidyum VAK prysudziŭ u śniežni minułaha hoda, praź siem miesiacaŭ paśla abarony dysiertacyi ŭ śpiecyjalizavanaj Radzie.
Heta značyć, što bolš za paŭhoda Vyšejšaja atestacyjnaja kamisija vyvučała doktarskuju pracu hałoŭnaha lekara Respublikanskaha kliničnaha miedycynskaha centra Kiraŭnictva spravami prezidenta Iryny Abielskaj. Zvyčajna takaja pracedura zajmaje mienš času. Choć, mahčyma, u śviatle novych patrabavańniaŭ, jakija pradjaŭlenyja kiraŭnictvam krainy da doktarskaj. VAK ciapier patrabujecca bolš času, kab pravieryć, ci ŭtrymoŭvaje praca navukovaje adkryćcio suśvietnaha ŭzroŭniu.
Jak viadoma, abarona doktarskaj dysiertacyi Iryny Abielskaj adbyłasia jašče 12 maja minułaha hoda. Svaju navukovuju pracu były lekar Łukašenki pradstaviła ŭ Radu pa abaronie dysiertacyj Biełaruskaj miedycynskaj akademii paśladypłomnaj adukacyi. Praca Abielskaj była vielmi vysoka acenienaja navukoŭcami. Va ŭsiakim vypadku, Saviet adnahałosna prahałasavaŭ za toje, kab chadajničać pierad prezidyumam VAK ab prysudžeńni hałoŭnamu doktaru Respublikanskaha kliničnaha miedycynskaha centra Kiraŭnictva spravami prezidenta Irynie Abielskaj vučonaj stupieni doktara navuk. Ale tolki 7 śniežnia 2011 hoda VAK prysudziŭ Abielskaj zvańnie doktara navuk.
Irynu Abielskuju ličać maci małodšaha syna Łukašenki — Mikałaja.
