Na miažy paboleła na 69 kinołahaŭ

U Smarhonskaj pahraničnaj hrupie (Hrodzienskaja vobłaść) 17 studzienia adbyŭsia vypusk 69 kinołahaŭ, jakija prajšli padrychtoŭku pa śpiecyjalnaści «važaty słužbovaha sabaki».

Jak paviedamiŭ načalnik pres-słužby Smarhonskaj pahraničnaj hrupy Alaksandr Kołabaŭ, padčas padrychtoŭki važatych słužbovych sabak byli praviedzieny zaniatki jak u śvietły, hetak i ŭ ciomny čas sutak pa taktycy pahraničnaj słužby, praktyčnaj dresiroŭcy słužbovych sabak, praviedzieny palavyja vychady i stažyroŭki na pahraničnych zastavach. Navučalny praces doŭžyŭsia bolš jak dva miesiacy — z 7 śniežnia 2011 hoda.

Kursanty atrymali nieabchodnyja viedy i navyki pa prymianieńni słužbovych sabak u słužbie pahraničnych naradaŭ pa achovie dziaržaŭnaj miažy i vykanańni funkcyjanalnych abaviazkaŭ.

Raźmierkavańnie kursantaŭ — važatych słužbovych sabak da miesca pastajannaj słužby ažyćcioŭlena zhodna z patrebami dla kožnaj voinskaj čaści orhanaŭ pahraničnaj słužby. Aprača taho, dla dalejšaha navučańnia ŭ kinałahičnym centry pa prahramie kamandziraŭ adździaleńniaŭ — instruktaraŭ słužbovych sabak adabrany najlepšyja vajennasłužačyja ź liku kursantaŭ.

0

0

0

0

0

0

Viačasłaŭ Budkievič, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH