Videa Naviny.by
Rasijski telekanał NTV u prahramie «Maksimum» pasprabavaŭ vyśvietlić, navošta narviežski teraryst Andreas Brejvik jeździŭ u Biełaruś.
Spačatku karespandent NTV naviedaŭsia ŭ Akademiju navuk, dzie z dapamohaj archieołaha Andreja Vajciachoviča pasprabavaŭ prasačyć «varažski śled» u biełaruskim maršrucie Brejvika. Raniej paviedamlałasia, što ŭ našu krainu narviežac naviedaŭsia z metaj pošukaŭ mahiłaŭ vikinhaŭ. Archieołah nie zdoleŭ paćvierdzić fakt zvarotu Brejvika pa kansultacyi da biełaruskich historykaŭ. Ničoha nie viedajuć pra vizit terarysta ŭ Biełaruś i ŭdzielniki rycarskich kłubaŭ.
Dalej u siužecie NTV źjaŭlajecca adyjozny dziejač Michaił Rašetnikaŭ, staršynia tak zvanaj Biełaruskaj partyi patryjotaŭ. Jon zajaviŭ žurnalistam telekanała, što Brejvik byŭ zavierbavany supracoŭnicaj biełaruskaha KDB. «Pryhožaja, cikavaja. Ceły kapitan biełaruskaha KDB», — tak charaktaryzuje ahientku-vierboŭščycu Rašetnikaŭ. Pa jaho słovach, u biełaruskim KDB Brejvik prachodzić pad apieratyŭnaj mianuškaj Vikinh. Nijakich dokazaŭ svaim słovam Rašetnikaŭ nie pryvodzić, spasyłajučysia na krynicy ŭ kamitecie.
U siužecie pravodzicca naŭprostavaja paralel z historyjaj Li Charvi Osvaldam, jaki da zamachu na Kienedzi žyŭ u Minsku.
Varta adznačyć, što jon i raniej rabiŭ zajavy dla rasijskich ŚMI pra suviaź narviežca ź biełaruskimi śpiecsłužbami.
U nastupnaj pieradačy NTV abiacaje raskazać pra sustreču ź biełaruskaj, ź jakoj paznajomiŭsia Brejvik.
