Ekśpierty Interpoła, jak i biełaruskija kalehi, ustanavili, što na bombie 2008 hoda byli adbitki mienavita Dźmitryja Kanavałava. Ab hetym paviedamiŭ u intervju karespandentu BiełTA načalnik Nacyjanalnaha centralnaha biuro (NCB) Interpoła ŭ Biełarusi Alaksandr Piatran.
Načalnik NCB rastłumačyŭ, što na nastupny dzień paśla teraktu 2008 hoda ŭ Minsku ŭ Hienieralny sakrataryjat Interpoła byli nakiravany ślady palcaŭ ruk tady jašče mierkavanaha złačyncy. Heta mienavita tyja adbitki, jakija vyjavili ŭsiaredzinie vybuchovaj pryłady. Paźniej — u 2011 hodzie — jany supali z adbitkami palcaŭ Kanavałava. «Analiz pravodziŭsia i ŭ nas, i ŭ Interpole i daŭ adzin i toj ža vynik», — paviedamiŭ Alaksandr Piatran.
Jon dadaŭ, što ŭ Interpoł byli nakiravany nie tolki adbitki, ale i hienatypaskapičnaja infarmacyja. Akramia hetaha, pa epizodzie 2008 zamiežnyja kalehi akazali vialikuju dapamohu pa analizie kanstrukcyi vybuchovaj pryłady. Taksama paśla vybuchu 2011 Interpoł dapamoh u pieršy ž dzień paśla teraktu atrymać palepšanuju fatahrafiju złačyncy. U hienieralny sakrataryjat hłabalnaj palicejskaj arhanizacyi byli adpraŭlenyja kadry z kamier vonkavaha nazirańni, jakija ŭstanoŭleny ŭ centry Minska niedaloka ad uvachodu na stancyju «Kastryčnickaja».
