Alaksandr Łukašenka 6 lutaha pryniaŭ z dakładam dziaržsakratara Rady biaśpieki Leanida Malcava i ministra abarony Juryja Žadobina.
«Mianie cikavić situacyja va Uzbrojenych Siłach, madernizacyja armii, kolkaści ŭ tym liku, pytańni finansavańnia. Druhi napramak, jaki nam nieabchodna abmierkavać, — kadry, hrašovaje zabieśpiačeńnie. I samaje hałoŭnaje pytańnie — budaŭnictva žylla dla vajskoŭcaŭ. My damaŭlalisia ab vypracoŭcy peŭnaha ałharytmu ŭ hetym pytańni, — skazaŭ Łukašenka. — U suviazi z hetym u nas jość damoŭlenaść z prezidentam Rasii.
Ja jamu nakiravaŭ list ab nieabchodnaści pošuku dla biełaruskich vajskoŭcaŭ dadatkovych srodkaŭ za košt roznych napramkaŭ supracoŭnictva Biełarusi i Rasii. I jon paabiacaŭ dapamahčy ŭ hetym płanie» .
Jak adznačyŭ Łukašenka,
u dźviuch krain praktyčna supolnaja armija i zadačy, jakija stajać pierad joj. Ale pamier hrašovaha zabieśpiačeńnia vajennych Biełarusi i Rasii adroźnivajecca. Takoje stanovišča maje być źmieniena,zapatrabavaŭ jon.
Ministr abarony Juryj Žadobin prainfarmavaŭ, što ŭ cełym Uzbrojenyja Siły vykonvajuć zadačy, pastaŭlenyja pierad imi. U listapadzie minułaha hoda praviedzieny čarhovy pryzyŭ hramadzian na terminovuju vajennuju słužbu i słužbu ŭ reziervie. Leanid Malcaŭ adznačyŭ, što Uzbrojenyja Siły pavinny ŭmieć supraćstajać vyklikam i pahrozam u sučasnych umovach. Nieabchodna, kab hetaj zadačy adpaviadali ich
Alaksandr Łukašenka daručyŭ prapracavać pytańnie pavyšeńnia hrašovaha zabieśpiačeńnia nie tolki vajennasłužačych, ale i supracoŭnikaŭ usiaho siłavoha błoku. Akramia taho, dadziena daručeńnie vyrašyć zadaču pa zabieśpiačeńni vajennasłužačych žyllom, u tym liku słužbovym, u vajskovych haradkach.