Pad kupał «Minsk-Areny» ŭzdymuć majku Rusłana Saleja 4

Pierad pieršym chakiejnym matčam zbornaj Biełarusi na «Turniry čatyroch na pryzy BelSwissBank» adbudziecca ŭračystaja cyrymonija zamacavańnia 24-ha numara za šmathadovym kapitanam i lidaram biełaruskaj zbornaj Rusłanam Salejem,

jaki trahična zahinuŭ u avijakatastrofie razam z kamandaj «Łakamatyŭ» 7 vieraśnia 2011 hoda. Pra heta 8 lutaha na pres-kanfierencyi ŭ Minsku paviedamiŭ hienieralny mieniedžar zbornych Biełaruskaj fiederacyi chakieja Uładzimir Safonaŭ.

«Pierad matčam projdzie ŭźniaćcie majki Saleja pad kupał „Minsk-Areny“. Takim čynam my ŭšanujem pamiać pra hetaha vydatnaha čałavieka, chakieista i siemjanina», — skazaŭ Safonaŭ.

Taksama, pavodle słoŭ Safonava, pierad matčam Biełaruś — Hiermanija adbudziecca ŭšanavańnie biełaruskich chakieistaŭ, jakija atrymali histaryčnuju pieramohu nad kamandaj Šviecyi na Alimpijadzie 2002 hoda. Nahadajem, u lutym 2002 hoda na Hulniach u Sołt-Łejk-Sici zbornaja Biełarusi pad kiraŭnictvam Uładzimira Krykunova zrabiła hałoŭnuju siensacyju turniru, prabiŭšysia ŭ paŭfinał. Hety vynik praz 10 hadoŭ zastajecca najlepšym u historyi ajčynnaha chakieja.

«My chacieli b vykazać padziaku i raźvitacca ź imi, jany pieradajuć estafietu chakieja novamu pakaleńniu hulcoŭ. Napieradzie ciažkija hulni — treba zajmać bolš vysokaje miesca ŭ rejtynhu i trapić na Alimpijadu abo praz čempijanat śvietu, abo praz kvalifikacyju», — skazaŭ Safonaŭ.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH