Kamisija polskaha siejma pa suviaziach z palakami zamiežža rychtuje zapyty ab dziejnaści biełaruskich parłamientaryjaŭ na terytoryi Polščy.— paviedamiŭ 22 lutaha Polskamu ahienctvu druku (PAP) staršynia kamisii Adam Lipiński.«My zapytajem infarmacyju na hetu temu ŭ MZS i pryśviecim hetamu pasiadžeńnie kamisii»,
Jon padkreśliŭ, što «z boku polskaha MZS pavinna być adpaviednaja reakcyja».
Nahadajem, 21 lutaha šeść členaŭ kamisii pa suviaziach z palakami nakiroŭvalisia ŭ Hrodna dla sustrečy z pradstaŭnikami nie pryznanaha biełaruskimi ŭładami Sajuza palakaŭ na Biełarusi (SPB). Na pahranpierachodzie «Bruzhi» deputatam było admoŭlena va ŭjeździe biez tłumačeńnia pryčyn, niahledziačy na najaŭnaść u ich dypłamatyčnych pašpartoŭ.
«Niekalkim asobam, u tym liku mnie, pastavili štamp „zabarona na ŭjezd“ biesterminovaja», — paviedamiŭ Lipiński.
Namieśnik staršyni kamisii pa suviaziach z palakami Vojcech Ziamniak paviedamiŭ PAP,
što sustreča z pradstaŭnikami SPB 21 lutaha ŭsio ž adbyłasia — praŭda, na polskaj terytoryi, u horadzie Sakułka. Na joj havaryłasia pra ciažkaje stanovišča biełaruskich palakaŭ i situacyju z samim sajuzam.Taksama byli zakranutyja pytańni adukacyi i karty palaka ŭ Biełarusi. «Jość vialikaja cikavaść da karty palaka, ale ź jaje atrymańniem uźnikajuć prablemy», — skazaŭ deputat siejma.
Staršynia SPB Anžalika Arechva paviedamiła, što ŭ sustrečy 21 lutaha ŭziali ŭdzieł siem pradstaŭnikoŭ sajuza i polskich abjadnańniaŭ, u tym liku jana sama; u hutarcy ŭdzielničaŭ i polski konsuł u Hrodnie Andžej Chadkievič. Siarod inšaha abmiarkoŭvałasia kampanija suprać Polščy, jakaja razharnułasia ŭ biełaruskich ŚMI, skazała Arechva.
Pavodle jaje mierkavańnia, ułady Biełarusi nie zacikaŭlenyja ŭ tym,
kab polskija parłamientaryi sustrakalisia nie prosta z kiraŭnictvam sajuza, a z radavymi aktyvistami, jakija mahli b raskazać, «jak im nasamreč žyviecca i ź jakimi prablemami jany sustrakajucca štodnia».
MZS Polščy zajaviŭ, što zabarona na ŭjezd u Biełaruś dla polskich deputataŭ upisvajecca ŭ «praktyku niedemakratyčnaj biełaruskaj dziaržavy». MZS Biełarusi nazvaŭ hety vizit «kanśpiracyjnym».
Kamientujučy situacyju, namieśnik načalnika ŭpraŭleńnia infarmacyi — načalnik adździeła
«Biełaruski bok zychodzić z ahulnapryniataj praktyki mižnarodnych adnosin, pavodle jakoj parłamiencki dyjałoh pamiž dziaržavami ažyćciaŭlajecca na ŭzajemapavažlivaj i raŭnapraŭnaj asnovie, — padkreśliła Vańšyna. — U hetaj suviazi ŭźnikaje pytańnie: jaki pazityŭ dla dvuchbakovych adnosin Biełarusi i Polščy mohuć prynieści padobnyja „kanśpiracyjnyja“ vizity, arhanizacyja jakich jaŭna parušaje pryncypy ŭzajemnaha davieru, adkrytaści i dobrasusiedstva?»
