Prodaž akcyj Minskaha zavoda pienistych vinaŭ pačniecca 2 maja 6

Prodaž akcyj AAT «Minski zavod pienistych vin» u miežach «narodnaha IPO» (pieršasnaha raźmiaščeńnia akcyj dla adkrytaha prodažu fizičnym i jurydyčnym asobam) projdzie z 2 maja pa 15 červienia. Pra heta paviedamiŭ hienieralny dyrektar AAT «Minski zavod pienistych vin» Leanid Kraŭčuk.

Jon paviedamiŭ, što

ciapier 100% akcyj pradpryjemstva naležyć dziaržavie.

Pradpryjemstva pravodzić dadatkovuju emisiju akcyj u pamiery prykładna 25% statutnaha fondu, ci 240 tys. akcyj. Prostyja akcyi pa 171.450 rubloŭ za adnu buduć pradavacca fizičnym i jurydyčnym asobam — rezidentam Biełarusi, ale nie bolš za 1 tys. na adnu asobu. Płanujecca pryciahnuć kala 41 młrd. rubloŭ.

Jak adznačyŭ Kraŭčuk, pa vynikach pracy pradpryjemstva za pieršy kvartał košt akcyi, vyznačany na 1 studzienia 2012 hoda, užo pavialičyŭsia. Abjom vytvorčaści za hety pieryjad u naturalnym vyražeńni vyras na 3,4%, abjom adhruzki — na 26,3%, ekspart — na 92,7%, čysty prybytak — u 9,7 razu.

Hiendyrektar nazvaŭ piać asnoŭnych pryčyn, pa jakich varta kupić akcyi mienavita hetaha pradpryjemstva: vytvorčaść zapatrabavanaj pradukcyi, ustojlivy na praciahu niekalkich hadoŭ rost vytvorčaści, sučasnaje abstalavańnie, efiektyŭnaje haspadarańnie i mocnaja kiraŭnickaja kamanda.

«Usio heta razam budzie spryjać tamu, što pradpryjemstva budzie atrymlivać prybytak, budzie ŭkładvać srodki ŭ raźvićcio i vypłačvać dyvidendy», — ličyć Kraŭčuk.

Jon paviedamiŭ, što pryciahnutyja ad prodažu akcyj srodki buduć nakiravany ŭ tym liku na dalejšuju madernizacyju pradpryjemstva: pašyreńnie cecha vinamateryjałaŭ i pasudna-tarnaha cecha.

Kraŭčuk adznačyŭ, što cikavaść da nabyćcia akcyj vykazali faktyčna ŭsie rabotniki pradpryjemstva, jakija płanujuć kupić ad 10 da 50 akcyj kožny. Jon vykazaŭ upeŭnienaść, što piłotny prajekt pa prodažy akcyj u miežach «narodnaha IPO» projdzie paśpiachova, i paviedamiŭ, što sam kupić akcyi.

Jak rastłumačyła načalnik upraŭleńnia dziaržaŭnaj ułasnaści kancerna «Biełdziaržcharčpram» Ała Sakałoŭskaja, akcyi buduć pradavacca na Biełaruskaj valutna-fondavaj biržy. Jany nie buduć kaciravacca i buduć pradavacca tolki pa naminalnym košcie. Ich možna nabyvać u 120 filijałach «Biełarusbanka» i 141 filijale «Biełahraprambanka». Ich adrasy raźmieščany na sajcie www.ipo.of.by. Paśla zaviaršeńnia prodažu budzie praviedzieny schod akcyjanieraŭ, uniesieny źmianieńni ŭ statut i akcyi zmohuć pradavacca na druhasnym rynku.

AAT «Minski zavod pienistych vin» źjaŭlajecca asnoŭnym u Biełarusi vytvorcam šampanskich, pienistych, vinahradnych vin.

Pradpryjemstva stvorana ŭ 1978 hodzie, pieratvorana ŭ adkrytaje akcyjaniernaje tavarystva ŭ 2004-m.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH