Maršrut papularnaha staličnaha aŭtobusa № 100 moža ŭrezany. Pa słovach dyrektara DU «Staličny transpart i suviaź» Valeryja Škuratava, całkam mahčyma, što aŭtobus nieŭzabavie pačnie chadzić pa maršrucie «Akademija Navuk — vulica Babrujskaja». «Uzdoŭž amal usioj trasy sotki idzie linija mietrapalitena. Tamu pasažyry, jakim nie treba vychodzić na pramiežkavych prypynkach, mohuć za tyja ž hrošy skarystacca padziemkaj. Akramia taho, na častcy trasy sotka dublujecca i naziemnymi maršrutami, za vyklučeńniem kavałka darohi ad płoščy Niezaležnaści da Akademii Navuk.
Pakul što pavialičyŭsia intervał ruchu aŭtobusaŭ: na trasie pracuje na 9 mašyn mienš, čym letaś. Pa słovach Valeryja Škuratava, pryčynaj hetamu staŭ niedachop u Minsku aŭtobusaŭ i aŭtobusnych parkaŭ, kab zabiaśpiečyć novyja mikrarajony.