Hałoŭnaje pytańnie: ci zasłužanaje naša miesca na miažy vyletu z elity?Asabliva aburyŭ zaŭziataraŭ projhryš Francyi. Chakiejny trenier žłobinskaha «Mietałurha» Vasil Śpirydonaŭ navat naradziŭ taki afaryzm: «Takija mocnyja
My vyrašyli pahladzieć, što ź siabie ŭjaŭlaje francuzski chakiej. Viadoma, heta nie asnoŭny vid sportu ŭ Francyi, vialikija hrošy i ŭvaha ŭ jaho nie ŭkładvajucca. Tym nie mienš, źviestki z aficyjnaha sajta Mižnarodnaj fiederacyi chakieja vielmi pakazalnyja. U Francyi jość 124 krytyja koŭzanki. U nas tolki 28.
Ahulnaja ličba hulcoŭ u krainie patomkaŭ hałaŭ 17 tysiač, ale tut mohuć być roznyja mietodyki padliku. Tamu najlepš hladzieć statystyku pa junijorach, maładych hulcach, što zajmajucca ŭ chakiejnych škołach. Dyk voś, u Francyi takich až 9,5 tysiačy. U nas — 3,4.Vidać, i druhaja zapar na pieršynstvach śvietu pieramoha vyhladaje nie vypadkovaj. Viadoma, u Francyi nie buduć ciahnuć pasrednaha hulca ŭ prafiesijny chakiej. Jość asnoŭnaje miesca pracy, a viečaram ź pivam, ci bieź piva, možna pahaniać šajbu na miascovaj koŭzancy. Chakiej dla ich heta nie zarobak, a mahčymaść dobra pravieści čas. U prafiesijanały traplajuć tolki najmacniejšyja.
Uvohule kali brać statystyku pa maładych chakieistach, to z usich zbornych, što sioleta brali ŭdzieł u elicie horšaje stanovišča tolki ŭ troch kamandach: Danii (2,2 tysiačy junijoraŭ pra 23 katkach), Łatvii (1,4 pry 17), nu i harotny Kazachstan (3,3 pry 14).
Varta adznačyć, što va ŭsich hetych kamand byli prablemy na pieršynstvie. Kazachstan uvohule vyleciŭ z dyvizijona A. Danija ž tolki dziakujučy pieramozie nad Łatvijaj zachavała prapisku.
Źviartaje ŭvahu, što situacyja lepšaja, čym u Biełarusi navat u Italii, jakaja maje 45 koŭzanak i 4,5 tysiačy junijoraŭ. Italija zmahła stvaryć intryhu pieramohaj nad Danijaj, ale na podźvih zastacca ŭ elicie ich jašče nie chapiła.
Źvierniemsia da Šviejcaryi, jakuju tak časta staviać u prykład biełaruskim chakieistam. Nasielnictva i płošča Šviejcaryi mienšaja za biełaruskuju. Ale jany majuć 158 krytych koŭzanak i 13 tysiač junijoraŭ. Nie dziva, što našy ŭžo zabylisia, kali apošni raz pakidali hetuju alpijskuju družynu za svajoj śpinaj.U Słavakii (amal u dva razy mienšaja pa nasielnictvie) jość 47 katkoŭ i 5,8 tysiač junijoraŭ. Nahadajem, Słavakii my prajhrali ź likam 5:1.
Nie biarom pakul kamandy «vialikaj šaściorki», nam da ich uvohule, jak da miesiaca. Naprykład, u Finlandyi, jakaja taksama sastupaje pa nasielnictvu Biełarusi, až 246 (!) koŭzanak i 35 tysiač junijoraŭ. Im za źmienu chvalavacca nie vypadaje.
Prosta kaśmičnymi vyhladajuć pakazčyki Kanady (2, 486 koŭzanak i 468 tysiač maładzionaŭ) i ZŠA (1,800 pry 302). U Rasii 340 katkoŭ i 61 tysiača maładych chakieistaŭ.Uražvajuć taksama ličby pa Japonii. U krainy ŭzychodziačaha sonca 99 koŭzanak i 7,1 junijoraŭ. Niama sumnievaŭ, što heta pavinna prynieści płady ŭ budučyni.
Padobnymi z nami ličbami moža pachvalicca i Ukraina. 25 krytych katkoŭ i 3,5 tysiačy junijoraŭ. Nu dyk, zhadziciesia, mała chto kaža pra imklivaje raźvićcio ŭkrainskaha chakieju. Ich zbornaja nadziejna zaviazła ŭ dyvizijonie V.
Raniejšyja pośpiechi biełaruskaha chakieja ŭ asnoŭnym bazavalisia na vypusknikach hienijalnaj minskaj dziciačaj škoły «Junactva». Potym padciahnułasia navapołackaja škoła, jakaja dała bratoŭ Kaścicynych i Dzianisava.
Čakać stabilnych pośpiechaŭ, majučy tolki niekalki stabilna pracujučych škołaŭ, nie vypadaje. Pry takich raskładkach projhryšy ad francuzaŭ i bałansavańnie na miažy elity nie pavinny nikoha ździŭlać. Biełaruski chakiej zusim nie na lidzirujučych pazicyjach u śviecie. I pośpiechi minskaha «Dynama», jak i pieramohi prezidenckaj kamandy ŭ kaladnym turniry, nie paŭpłyvajuć na situacyju.
