Udzielniki niezvyčajnaha padarožža projduć «jahiełonskim šlacham» praź Biełaruś 5

Jahiełonski šlach» praz Krakaŭ, Lublin, Biełaruś i na Vilniu — heta padarožža ŭ minułaje 1386—1611 hh. pa śladach karaloŭ, kupcoŭ i artystaŭ. Z 1 pa 14 lipienia mižnarodny turystyčna-kulturny park Via Jagiellonica arhanizuje padarožža «Jahiełonskim šlacham» z nahody 580-j hadaviny Hrodzienskaj unii.

Palaki i litoŭcy z adnaho boku, biełarusy dy ŭkraincy z druhoha… Chacia ŭ našych narodaŭ supolnaje minułaje, adnak niama mahčymaści lohka ŭstupać u kantakt adzin z adnym. Asnoŭnaj pryčynaj hetaha źjaŭlajucca nie moŭnyja adroźnieńni, a adsutnaść svabodnych miežaŭ. Padarožžy ŭ susiednija krainy ŭskładniaje šenhienskaja viza — sučasnaja ściana, jakaja dzielić narody pašpartnymi i vizavymi abaviazkami.

Składanaja situacyja była taksama i ŭ 1386 hodzie, kali vialiki kniaź litoŭski Jahajła, jaki žyŭ u Vilni, adpraviŭsia ŭ Krakaŭ, jaki byŭ tady stalicaj, kab atrymać karonu Polskaha karaleŭstva. Jedučy z Bresta ŭ Lublin, jon pierasiek varožuju — da niadaŭniaha — miažu, jakaja adździalała roznyja nie tolki palityčna, ale kulturna i relihijna krainy. U čas svajho padarožža Jahajła byŭ achryščany, ažaniŭsia na karalevie Jadvizie i staŭ karalom Polščy.

Paśla polska-litoŭskaj unii u centry Jeŭropy ŭźnikła śpiecyjalnaja zona kulturnaha abmienu pamiž łacinskaj i vizantyjskaj cyvilizacyjami. Da 1611 hoda vialikuju rolu ŭ kamunikacyjnych znosinach adyhryvaŭ trakt, jaki abjadnoŭvaŭ Krakaŭ i Vilniu, a prachodziŭ miž inšym praz horad Lublin, jaki staŭ viadomym dziakujučy ŭnii 1569 hoda.

Karaleŭski trakt niadaŭna byŭ adnoŭleny turystyčnaj arhanizacyjaj «Jahiełonski šlach» u jakaści mižnarodnaha turystyčnaha šlachu Via Jagiellonica.

Heta pryvablivaje da naviedvańnia z metaj adryćcia histaryčnaj, a taksama sučasnaj kulturnaj spadčyny susiedziaŭ (prapanovu dapaŭniaje Via Mercatoria — handlovy šlach Vrocłaŭ-Lublin-Lvoŭ).

Da ŭdziełu ŭ padarožžy «Jahiełonski šlach» zaprašajucca ŭsie achvotnyja. Udzieł płatny. Bolš padrabiaznuju infarmacyju možna atrymać na sajcie ŭstanovy viajagiellonica.eu

tio.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH