U Vilejskim rajonie BMV prataraniła aŭtobus: jość achviary 7

Siońnia, 16 lipienia, u 10.40 na 79-m km aŭtadarohi R-58 (Minsk — Miadzieł) pablizu vioski Budzišča Vilejskaha rajona (Minskaja vobłaść) kiroŭca BMV-323 vyjechaŭ na sustrečnuju pałasu i sutyknuŭsia z pasažyrskim aŭtobusam «Radzimič», jaki ruchaŭsia pa maršrucie Pastavy — Minsk u sustrečnym napramku.

U aŭtobusie znachodzilisia 26 pasažyraŭ. Kiroŭca BMV pamior na miescy.

Ad mocnaha ŭdaru lehkavik pahnuła nastolki, što cieła zahinułaha ŭdałosia vyzvalić rabotnikam MNS tolki pry dapamozie hidraŭličnaha instrumienta.

U aŭtobusie paciarpieli kiroŭca i troje pasažyraŭ.

Traich paciarpiełych špitalizavali — u ich roznyja traŭmy, ich stan zdavalniajučy. Jašče adna pasažyrka admoviłasia ad špitalizacyi. U žančyny rany łba i pravaj ščaki.

Abstaviny DTZ vyśviatlajuć supracoŭniki DAI.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH