14.08.2012
/ 11:39 / Ałharytmičny łacinski varyjant
U Minsk pryjedzie pieršaja skrypka suśvietnaha džaza Žan-Luk Panci
Hałoŭny džazavy skrypač płaniety adznačyć jubilej u Biełarusi.
29 vieraśnia, u dzień svajho 70-hodździa, u Minsku vystupić Žan-Luk Panci — «pieršaja skrypka» suśvietnaha džaza. Kancert muzyki adbudziecca ŭ miežach Fiestyvala Juryja Bašmieta.
Tvorčy šlach Panci raspačaŭsia ŭ kancy 50-ch, tady paryžski skrypač musiŭ zrabić hłabalny vybar pamiž akademičnaj muzykaj i džazam. Vialiki amatar tvorčaści Džona Kałtrejna i Majłza Devisa, Panci pieraklučyŭsia na elektryčnuju skrypku, i imkliva zdabyŭ papularnaść.
Za svajo žyćcio Panci paśpieŭ paihrać u kłasičnych albomach Frenka Zapy, Ełtana Džona, Eła dzi Mieoły i zapisać niekalki albomaŭ ź vieteranam džazavaj skrypki Stefanam Hrapeli.
Aproč taho ŭ arsienale Panci jość i redkija skrypki: na piać i šeść strun.
U Minsku Žan-Luk Panci vystupić razam sa svaim hurtom. Kancert adbudziecca ŭ Biełdziaržcyrku. Košty kvitkoŭ: ad 249 dtysiač rubloŭ.
JUU
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH