U Navinkach na terytoryi pravasłaŭnaha manastyra buduć 3-paviarchovuju prybiralniu? — fota 11
Pra heta śviedčyć pašpart abjekta kala niedabudavanaha budynka, jaki nahadvaje katedž.
«U pasiołku Navinki budujuć dziŭny abjekt, — paviedamiŭ na „Haračuju liniju“ partała TUT.BY čytač Jarasłaŭ. — Vonkava jon padobny na trochuzroŭnievy katedž z haražom ŭ cokalnym paviersie. A ŭ pašparcie abjekta napisana, što heta — hramadskaja prybiralnia».
Karespandent vyjechaŭ u pasiołak Navinki. Abjekt, pra jaki raspavioŭ naš čytač, znajšoŭsia kala płota Respublikanskaha navukova-praktyčnaha centra psichičnaha zdaroŭja — na samaj miažy «ŭładańniaŭ» psichijatraŭ i pravasłaŭnych manašak z Śviata-Jelisaviecinskaha manastyra.
Kali vieryć pašpartu abjekta, to budujecca ŭ Navinkach «hramadskaja prybiralnia z administracyjna-bytavymi pamiaškańniami pa vuł. Vyhockaha ŭ składzie klaštarnaha kompleksu Śviata-Jelisaviecinskaha manastyra h. Minska». Praŭda, pry bližejšym razhladzie ŭ konturach budynka (jon składajecca z dvuch tradycyjnych pavierchaŭ i adnaho mansardnaha) hramadskaja prybiralnia pakul nijak nie prahladajecca: jon sapraŭdy bolš padobny na žyły katedž.
Vyśvietlić, čamu dla hramadskaj prybiralni byŭ abrany nastolki dziŭny architekturny prajekt, tak i nie atrymałasia: vidavočna, pa pryčynie vychadnoha dnia paznačany ŭ pašparcie abjekta telefon praraba nie adkazvaŭ.
Moža, budaŭničaja arhanizacyja pamyliłasia z nazvaj abjekta?
