Byłaja prem'jer-ministr Ukrainy, asudžanaja na 7 hadoŭ źniavoleńnia, Julija Cimašenka źviarnułasia da ŭkraincaŭ praz svaju dačku Jaŭhieniju i paraiła im pryjści na parłamienckija vybary [28 kastryčnika] i pierakanać u hetym svaich blizkich.
U pačatku svajho zvarotu Cimašenka vybačyłasia pierad ukraincami.
«Ja vybačajusia za kožnaje rašeńnie, jakoje paŭpłyvała na viartańnie nieadyktatury», — začytała zvarot maci Jaŭhienija Cimašenka.
Cimašenka dała ukraincam 5 paradaŭ.
Pieršaje: skarystacca svaim pravam hołasu, pryjści prahałasavać i adchilić ad ułady aliharchaŭ. Druhoje: prahałasavać za adzinaha ŭzhodnienaha kandydata ad Abjadnanaj apazicyi «navat kali jon vam nie padabajecca i ničoha vam nie daŭ». Treciaje: nie źviartać uvahu na hałoŭnuju technałohiju ŭłady, byccam ułada i apazicyja — adno i toje ž. Čaćviortaje: nie hałasavać za fiktyŭnyja apazicyjnyja partyi.
«Nie addajcie svoj hołas falšyvym apazicyjanieram, navat kali vielmi chočacca i ruka sama ciahniecca».
Taksama Julija Cimašenka paprasiła ŭkraincaŭ pierakonvać svaich rodnych i blizkich hałasavać za apazicyjnyja siły, vykarystoŭvajučy dla hetaha materyjały žurnalisckich rasśledavańniaŭ.
Julija Cimašenka taksama źviarnułasia da žurnalistaŭ i paprasiła palitykaŭ spynić supraćstajańnie.
