Ułady Bachrejna zabaranili praviadzieńnie lubych akcyj pratestu i publičnych mierapryjemstvaŭ paśla taho, jak antyŭradavyja demanstracyi niekalki razoŭ vylivalisia ŭ sutyknieńni ich udzielnikaŭ z palicyjaj.
Ministr unutranych spraŭ karaleŭstva šejch Rašyd Chalifa zajaviŭ, što «złoŭžyvańni» pravami na svabodu słova i samavyjaŭleńnia z boku žycharoŭ Bachrejna nie mohuć praciahvacca dalej.
«Pratesty buduć dazvolenyja tolki paśla taho, jak uzrovień biaśpieki i stabilnaści ŭ rehijonie stanie dastatkovym dla padtrymańnia nacyjanalnaha adzinstva»,— adznačajecca ŭ paviedamleńni ministerstva.
U apošni raz karol Bachrejna Chamad Chalifa abjaŭlaŭ pra zabaronu na praviadzieńnie demanstracyj u sakaviku 2011 hoda, kali ŭ krainie było ŭviedziena nadzvyčajnaje stanovišča terminam na try miesiacy.
«Žamčužny pratest»
U vieraśni pratestoŭcy zaniali Žamčužnuju płošču ŭ centry stalicy krainy Manamie, patrabujučy praviadzieńnia demakratyčnych reformaŭ i vystupajučy suprać dyskryminacyi ŭ adnosinach damusulmanaŭ-šyitaŭ z boku kirujučaj siamji sunitaŭ.
Na płoščy prachodzili ŭsie maštabnyja antyŭradavyja akcyi, a manumient u vyhladzie šaści vietraziaŭ i žamčužyny naviersie, jaki stajaŭ u centry płoščy, pieratvaryŭsia ŭ simvał baraćby za svabodu. 18 sakavika 2011 hoda ŭłady vyrašyli źnieści znakamity pomnik.
Niezadoŭha da hetaha ŭ chodzie maštabnych chvalavańniaŭ zahinuli pa mienšaj miery 35 čałaviek, sotni byli paranienyja i tysiačy aryštavanyja. Z tych časoŭ, pa paviedamleńniach apazicyjnych aktyvistaŭ, zahinuli jašče 45 čałaviek, adnak ułady admaŭlajuć hetuju infarmacyju.
Na dniach dvoje palicyjantaŭ zahinuli ad ranieńniaŭ, atrymanych u chodzie sutyknieńniaŭ ŭ vakolicach Manama. Aficyjnyja asoby nazvali incydent «terarystyčnaj atakaj».