Фота: БелТА
Удзельнікаў выставы чакае цікавае і яркае падарожжа ў дзіўны свет катоў, забаўляльная шоу-праграма, арыгінальны інтэрактыў з катамі і конкурсы.
Арганізатары ўключылі ў праграму выставы-прадстаўленні катоў-канкурсантаў, прэзентацыю рэдкіх і экзатычных парод катоў, шматлікія рынгі і шоу дарослых катоў, юніёраў і кацянят, каціныя конкурсы прыгажосці «Містар Кот» і «Міс Кошка», а таксама шоу мілых і пацешных кацянят. Акрамя таго, для гасцей выставы будуць арганізаваны цікавыя майстар-класы ад экспертаў-фелінолагаў. У фінале выставы адбудзецца выбар ката, які стане ўладальнікам тытула «Залаты гран-пры — 2023».
Будзе магчымасць ва ўдзельнікаў мерапрыемства і выбраць гадаванца мары. На выставе арганізуюць «Бэбі-салон кацянят», дзе кожны ахвотны зможа пагутарыць з прафесійнымі разводчыкамі і пазнаёміцца бліжэй з катамі ўпадабанай пароды, больш падрабязна даведацца пра іх характар і асаблівасці ўтрымання. Прадугледзелі арганізатары і форум-прэзентацыю для ўсіх ахвотных, дзе спецыялісты раскажуць аб правільным харчаванні, доглядзе і ветэрынарным кантролі за катамі.
На выставачных прэзентацыях удзельнікі мерапрыемства змогуць пазнаёміцца з відамі корму, таварамі для догляду, мэбляй і аксесуарамі для катоў, арыгінальнымі вырабамі ручной работы вядомых брэндаў.
Побач з выставай будзе працаваць кафэ.
Выстава падобнага фармату ў нашай краіне праводзіцца адзін раз на год. Мерапрыемства праходзіць пад эгідай Сусветнай федэрацыі катоў (WCF).
Чытайце таксама:
У Скідзелі ўратавалі ката, які на суткі з лішнім захрас у маторным адсеку аўтамабіля
Што рабіць, калі кот не прымае вашага новага партнёра?
У Турцыі праз 49 дзён пасля землятрусу знайшлі пад заваламі жывога ката
