У такіх маладых дынамічных краінах, як Беларусь, навука павінна служыць яшчэ і апорай дзяржаўнай ідэалогіі. Пра гэта заявіў Аляксандр Лукашэнка сёння на цырымоніі ўручэння дыпломаў доктара навук і атэстатаў прафесара навуковым і педагагічным работнікам, піша БелТА.
«Нам проста неабходна аргументаванае, бесстаронняе меркаванне кампетэнтных спецыялістаў, — мяркуе кіраўнік дзяржавы. — Асабліва сёння, калі робяцца асобныя спробы паставіць пад пытанне суверэнітэт і незалежнасць нашай дзяржавы».
Кіраўнік звярнуў увагу на той факт, што ў гэтай зале знаходзяцца людзі, распрацоўкі якіх ужо ўкаранёны і паказваюць высокія вынікі ў важных і запатрабаваных сферах жыцця нашага грамадства.
«Прысутнасць тут і зусім маладых навукоўцаў азначае, што ў нас створана нямала магчымасцяў для дасягнення поспеху ў любым узросце. Трэба толькі прыкласці працу і талент», - заўважыў кіраўнік дзяржавы.