U takich maładych dynamičnych krainach, jak Biełaruś, navuka pavinna słužyć jašče i aporaj dziaržaŭnaj ideałohii. Pra heta zajaviŭ Alaksandr Łukašenka siońnia na cyrymonii ŭručeńnia dypłomaŭ doktara navuk i atestataŭ prafiesara navukovym i piedahahičnym rabotnikam, piša BiełTA.
«Nam prosta nieabchodna arhumientavanaje, biesstarońniaje mierkavańnie kampietentnych śpiecyjalistaŭ, — miarkuje kiraŭnik dziaržavy. — Asabliva siońnia, kali robiacca asobnyja sproby pastavić pad pytańnie suvierenitet i niezaležnaść našaj dziaržavy».
Kiraŭnik źviarnuŭ uvahu na toj fakt, što ŭ hetaj zale znachodziacca ludzi, raspracoŭki jakich užo ŭkaraniony i pakazvajuć vysokija vyniki ŭ važnych i zapatrabavanych śfierach žyćcia našaha hramadstva.
«Prysutnaść tut i zusim maładych navukoŭcaŭ aznačaje, što ŭ nas stvorana niamała mahčymaściaŭ dla dasiahnieńnia pośpiechu ŭ lubym uzroście. Treba tolki prykłaści pracu i talent», - zaŭvažyŭ kiraŭnik dziaržavy.
