Афіцыйны прадстаўнік МУС Беларусі Вольга Чамаданава пацвердзіла карэспандэнту «Інтэрфакс-Захад», што ўвод у нядзелю ў Мінск бранятэхнікі быў «для ўзмацнення захадаў бяспекі асабістага складу».
«У Мінск уведзеныя БМП і БТР-80. Гэта баявыя машыны, якія выкарыстоўваецца для ўзмацнення мер бяспекі асабістага складу на несанкцыянаваных масавых мерапрыемствах», — распавяла Чамаданава.
Як паведамлялі відавочцы, на тэрыторыю Палаца Незалежнасці да ўжо наяўных двух бронетранспарцёраў падышла калона яшчэ з пяці БТР. Апазнавальныя знакі і нумары на тэхніцы пафарбаваныя зялёнай фарбай.
На брані былі вайскоўцы з буйнакалібернымі кулямётамі.
Нагадаем, што ўчора ў Мінску прайшла шматсоттысячная дэманстрацыя праціўнікаў Лукашэнкі. Вялікая частка дэманстрантаў падышла да Палаца Незалежнасці.
