Aficyjny pradstaŭnik MUS Biełarusi Volha Čamadanava paćvierdziła karespandentu «Interfaks-Zachad», što ŭvod u niadzielu ŭ Minsk braniatechniki byŭ «dla ŭzmacnieńnia zachadaŭ biaśpieki asabistaha składu».
«U Minsk uviedzienyja BMP i BTR-80. Heta bajavyja mašyny, jakija vykarystoŭvajecca dla ŭzmacnieńnia mier biaśpieki asabistaha składu na niesankcyjanavanych masavych mierapryjemstvach», — raspaviała Čamadanava.
Jak paviedamlali vidavočcy, na terytoryju Pałaca Niezaležnaści da ŭžo najaŭnych dvuch bronietransparcioraŭ padyšła kałona jašče ź piaci BTR. Apaznavalnyja znaki i numary na technicy pafarbavanyja zialonaj farbaj.
Na brani byli vajskoŭcy z bujnakalibiernymi kulamiotami.
Nahadajem, što ŭčora ŭ Minsku prajšła šmatsottysiačnaja demanstracyja praciŭnikaŭ Łukašenki. Vialikaja častka demanstrantaŭ padyšła da Pałaca Niezaležnaści.
