Тэхнабанк часова спыняе перавод долараў і еўра ў трох плацежных сістэмах
Тэхнабанк з 15 траўня часова прыпыняе перавод долараў і еўра праз плацежныя сістэмы «Залатая Карона», «Юністрым» і Contact.
На сайце банка паведамляецца, што для пераводу ў гэтых міжнародных сістэмах будуць прымацца толькі беларускія ці расійскія рублі (пры наяўнасці ў сістэмах такой магчымасці). Іх будуць пераводзіць у долары ці еўра «па курсах сістэм міжнародных грашовых пераводаў».
Наколькі працяглай для банка будзе такая сітуацыя, у паведамленні не ўдакладняецца.