Максім Рыжанкоў, Ігар Сергеенка і Раман Галоўчанка. Фота: БелТА
Першае пасяджэнне VII «Усебеларускага народнага сходу» адбудзецца 24-25 красавіка. Пра гэта паведаміў журналістам прэм'ер-міністр, старшыня аргкамітэта па яго падрыхтоўцы Раман Галоўчанка. Падрыхтоўка да правядзення першага пасяджэння і стала сёння тэмай нарады ў Аляксандра Лукашэнкі, піша БелТА.
У ліку ўдзельнікаў нарады — кіраўніцтва Адміністрацыі, старшыня Савета Рэспублікі, кіраўнік спраў начальнік Сакратарыята УНС.
Лукашэнка, у прыватнасці, загадаў правесці яго на самым высокім узроўні. У прыклад прывёў узровень арганізацыі прэзідэнцкіх выбараў у Расіі.
«Яшчэ раз паўтару, што гэта і ўрачыста павінна быць, і, самае галоўнае, змястоўна. Каб было, як выбары ў Расіі, — камар носа не падтачыў. Каб нас потым не папракалі. Усё цяпер сканцэнтравана палітычна на нас. У Расіі бурных падзей не мяркуецца, вакол таксама. Засталося ў нас правядзенне Усебеларускага народнага сходу», — сказаў ён, традыцыйна зазначыўшы пра «прошукі ворагаў» і «падступства Захаду».
«Стаўкі асобных нашых збеглых і Захаду на тое, каб пастарацца як мага больш прынесці дэзарганізацыю і развал падчас пасяджэння і прыняцця рашэння, — мы такога падарунка ім паднесці не павінны», — заявіў Аляксандр Лукашэнка.
Чытайце таксама:
Пачалася кампанія па «выбарах» у Савет Рэспублікі і «Усебеларускі народны сход»
Начальнікам Сакратарыята Усебеларускага народнага сходу прызначылі экс-суддзю
Абноўленыя Канцэпцыю нацбяспекі і Ваенную дактрыну Беларусі вынесуць на зацвярджэнне УНС
Не бачу ніякіх прыкметаў транзіту ўлады ад Лукашэнкі да кагосьці іншага — палітолаг Казакевіч
