Здольнасць ствараць з нічога цэлы вясёлы свет, а са звычайнага жыцця рабіць чароўную прыгоду – за гэта мы любім Беньку і гурт «Срэбнае вяселле».
Святлана «Бенька» Бень
гурт «Срэбранае вяселле»
Новы альбом «Laterna Magica» даступны для пампавання
У электронным выдавецтве «Пяршак» мультымедыячасопіса 34mag.net адбылася прэзентацыя іх новага альбома «Laterna Magica».
Laterna Magica – лацінская назва «чароўнага ліхтара», першага праекцыйнага апарата, распаўсюджанага ў XIX стагоддзі.
Гэта было кіно «эпохі да Люм’ераў», з дапамогай якога святары пужалі вернікаў, дзеткам паказвалі казкі, а прасунутая моладзь бавілася на вечарынах.
«Пры запісе альбома мы наколькі гэта магчыма эксперыментавалі з гукам, – кажа Святлана Бень (Бенька), лідарка гурта.
– Мы хацелі, каб нашы гісторыі былі не падобныя адна да адной. У некаторых песнях мы выкарыстоўвалі стужкавы дылэй, апарат 1970-х гадоў, пры дапамозе якога апрацоўвалі гук. І такіх дзіўных знаходак мноства».
Новая праграма «Срэбнага вяселля» – гэта пагружэнне ў знаёмую, але забытую атмасферу дыяфільмаў.
Да кожнай песні мастак Максім Восіпаў зрабіў асобны малюнак-паштоўку, паглядзець на якія вы зможаце і ў сваіх айпадах.
Прэм’ера праграмы адбудзецца ў Мінску 26 і 27 красавіка.
Спампаваць новы альбом Laterna Magica можна тут.